Chevrolet Equinox-2022 avtomobilining eng muhim afzalligi uning yangi gibrid tizimidir. Bu haqda 14-yanvar kuni o‘tkazilgan taqdimot marosimida ma’lum qilindi, deya xabar bermoqda “Daryo” muxbiri.
Yumshoq gibrid start-stop tizimi bilan ishlaydi. Ushbu avtomobillarda oddiy generator o‘rniga kuchli quvvatga ega motor-generator o‘rnatilgan. U sekinlashganda elektr energiyasini ishlab chiqarib, yuqori quvvatli akkumulyatorni zaryadlaydi. Ichki yonish dvigateli oddiy generatorni aylantirish uchun kamroq energiya sarflaydi yoki umuman sarflamaydi.
Yangi gibrid tizimi aynan elektromobilning elektr rejimida ishlay olmasa ham, u shunga o‘xshash gibrid bo‘lmagan versiyalarga nisbatan shaharda ham, magistralda ham yoqilg‘i samaradorligini oshirishni ta’minlaydi. Aynan ushbu tizim sababli yoqilg‘i sarfi sezilarli darajada kamayadi va 100 kilometr uchun atigi 7,01 litrni tashkil qiladi.
Chevrolet Equinox MY-2022 (2022 yil modeli)
- 1.5T LS FVD komplektatsiya: 250 732 510 so‘m;
- 2.0T 1LT FVD MH komplektatsiya: 338 260 870 so‘m;
- 2.0T 1LT AVD MH komplektatsiya: 365 217 391 so‘m;
- 2.0T 3LT AVD MH komplektatsiya: 391 304 348 so‘m.
Izoh (0)