Chevrolet Equinox-2022 автомобилининг энг муҳим афзаллиги унинг янги гибрид тизимидир. Бу ҳақда 14 январь куни ўтказилган тақдимот маросимида маълум қилинди, дея хабар бермоқда «Дарё» мухбири.
Юмшоқ гибрид старт-стоп тизими билан ишлайди. Ушбу автомобилларда оддий генератор ўрнига кучли қувватга эга мотор-генератор ўрнатилган. У секинлашганда электр энергиясини ишлаб чиқариб, юқори қувватли аккумуляторни зарядлайди. Ички ёниш двигатели оддий генераторни айлантириш учун камроқ энергия сарфлайди ёки умуман сарфламайди.
Янги гибрид тизими айнан электромобилнинг электр режимида ишлай олмаса ҳам, у шунга ўхшаш гибрид бўлмаган версияларга нисбатан шаҳарда ҳам, магистралда ҳам ёқилғи самарадорлигини оширишни таъминлайди. Айнан ушбу тизим сабабли ёқилғи сарфи сезиларли даражада камаяди ва 100 километр учун атиги 7,01 литрни ташкил қилади.
Chevrolet Equinox МY-2022 (2022 йил модели)
- 1.5Т LS FVD комплектация: 250 732 510 сўм;
- 2.0Т 1LT FVD МH комплектация: 338 260 870 сўм;
- 2.0Т 1LT FVD МH комплектация: 365 217 391 сўм;
- 2.0Т 3LT FVD МH комплектация: 391 304 348 сўм.
Изоҳ (0)