Amerikaning Ogayo shtatida yashovchi bir yashar qizaloqning ota-onasi Xellouin munosabati bilan farzandini Buyuk Britaniyaning qirolichasi Yelizaveta II singari kiyintirib, ushbu obraz aks etgan fotoni Vindzor qasriga yubordi. Shundan keyin ular qirolichaga ushbu surat manzur kelgani mazmunidagi javob xati olgan.
Qizaloqqa och-moviy rang palto va xuddi shu rangdagi shlyapa kiydirilgan. Obraz ko‘k rangli gul, kichkina sumka va o‘ziga xos ko‘rinishdagi qo‘lqop bilan qiziqarli ko‘ringan. Bu ham yetmagandek, ota-onasi qizaloqqa oq rangli parik kiydirgan.
“Ushbu obrazni yaratishda itlarimiz – qizimizning eng yaxshi do‘stlari ekanidan ilhomlandik. Esda qolarli nimadir qilishni istadik. Biz shak-shubhasiz qirollik oilasining muxlisimiz”, – degan qizaloqning onasi.
Qirollik oilasidan kelgan javob maktubida qirolicha qizaloqning mazkur obrazidan quvongani aytiladi.
“Hazrati oliyalari unga maktub yo‘llaganingizni siz tomoningizdan ko‘rsatilgan iltifot deb hisoblaydi. Qirolicha qizingiz Jaleynni qoyilmaqom libosdagi suratini ko‘rib xursand bo‘ldi. Hazrati oliyalari Rojdestvoda juda ham baxtiyor ekaningizga umid qiladi va men Jaleyn xohlashi mumkin bo‘lgan qirollik uy hayvonlari haqida ham biroz ma’lumot berib o‘taman”, — deyiladi javob xatida.
Mavzuga doir:
- Yelizaveta II ning garaji: Buyuk Britaniya qirolichasi qanday mashinalarni xush ko‘radi?
- Yelizaveta II 6 marta Ginnes rekordlari kitobiga kiritilgan. Bunga uning hech kimning xayoliga ham kelmaydigan xususiyatlari sabab bo‘lgan
- Tabassum, shlyapa va o‘zgarmaydigan soch turmagi. Qirolicha Yelizavetaning chiroyli qarishi siri nimada?
Izoh (0)