Американинг Огайо штатида яшовчи бир яшар қизалоқнинг ота-онаси Хеллоуин муносабати билан фарзандини Буюк Британиянинг қироличаси Елизавета II сингари кийинтириб, ушбу образ акс этган фотони Виндзор қасрига юборди. Шундан кейин улар қироличага ушбу сурат манзур келгани мазмунидаги жавоб хати олган.
Қизалоққа оч-мовий ранг пальто ва худди шу рангдаги шляпа кийдирилган. Образ кўк рангли гул, кичкина сумка ва ўзига хос кўринишдаги қўлқоп билан қизиқарли кўринган. Бу ҳам етмагандек, ота-онаси қизалоққа оқ рангли парик кийдирган.
«Ушбу образни яратишда итларимиз – қизимизнинг энг яхши дўстлари эканидан илҳомландик. Эсда қоларли нимадир қилишни истадик. Биз шак-шубҳасиз қироллик оиласининг мухлисимиз», – деган қизалоқнинг онаси.
Қироллик оиласидан келган жавоб мактубида қиролича қизалоқнинг мазкур образидан қувонгани айтилади.
«Ҳазрати олиялари унга мактуб йўллаганингизни сиз томонингиздан кўрсатилган илтифот деб ҳисоблайди. Қиролича қизингиз Жалейнни қойилмақом либосдаги суратини кўриб хурсанд бўлди. Ҳазрати олиялари Рождествода жуда ҳам бахтиёр эканингизга умид қилади ва мен Жалейн хоҳлаши мумкин бўлган қироллик уй ҳайвонлари ҳақида ҳам бироз маълумот бериб ўтаман», — дейилади жавоб хатида.
Мавзуга доир:
- Елизавета II нинг гаражи: Буюк Британия қироличаси қандай машиналарни хуш кўради?
- Елизавета II 6 марта Гиннес рекордлари китобига киритилган. Бунга унинг ҳеч кимнинг хаёлига ҳам келмайдиган хусусиятлари сабаб бўлган
- Табассум, шляпа ва ўзгармайдиган соч турмаги. Қиролича Елизаветанинг чиройли қариши сири нимада?
Изоҳ (0)