Toshkent shahri Bektemir tumanida joylashgan “Qo‘yliq” bozorida 14-noyabr kuni samarqandlik tadbirkordan pul talab qilgan shaxslar qo‘lga olindi, deb xabar bermoqda Ichki ishlar vazirligi.
Ma’lum qilinishicha, shu kuni soat 09:30 atrofida Samarqand shahrida yashovchi meva oldi-sotdisi bilan shug‘ullanuvchi F.A. (1984-yilda tug‘ilgan) “Qo‘yliq” bozoriga xo‘l meva mahsulotlari sotib olib, Samarqandga yuborish maqsadida kelgan. Shunda uning oldiga 4 nafar shaxs kelib, o‘zganing mulkini ochiqdan ochiq talon-toroj qilish niyatida undan 400 dollarini olib qo‘yib, voqea joyidan yashiringan.
Tezkor qidiruv ishlari natijasida jinoyatni sodir etganlikda ayblanib, Mirobod tumani Qo‘yliq mavzesida yashovchi X.I. (1984-yilda tug‘ilgan), X.F. (1986-yilda tug‘ilgan) va X.I. (1978-yilda tug‘ilgan) qo‘lga olingan.
Tergovoldi surishtiruv ishlar natijasida ular F.A.ni 7-8 yildan beri tanishi ma’lum bo‘lgan. Ayblanuvchilar arizachi ulardan doimiy ravishda meva olib ketib, 4 million so‘m miqdorida qarz bo‘lib, 2 yildan beri bermasdan qochib yurgani, so‘ng shu kuni ular arizachini ko‘rib qolganlarida u bilan nizolashib, yonida bo‘lgan pulni olib qo‘yganini bildirgan.
Mazkur holat bo‘yicha hujjatlar to‘planib, Bektemir tumani IIO FMBga topshirilgan.
Izoh (0)