O‘zbekiston yo‘llarida sodir bo‘lgan baxtsiz hodisalar tafsilotlarini taqdim etamiz.
Qashqadaryoda yo‘l ta’mirlayotgan ishchini Nexia urib ketdi.
2021-yil 27-dekabr kuni soat 19:00 da Nishon tumani “Shirinobod” MFYda yashovchi P.T. o‘zining boshqaruvida bo‘lgan Nexia avtomashinasida Nishon–Tallimarjon avtomobil yo‘lining 25-kilometrida ta’mirlash ishlari olib borayotgan Nishon tumani Yo‘llardan foydalanish unitar korxonasi yo‘l bo‘limi ishchisi S.I.ni urib yuborgan.
Oqibatda jabrlanuvchi olgan tan jarohati oqibatida voqea joyida vafot yetgan. Hozirda mazkur holat yuzasidan Nishon tumani IIB TB tomonidan tergovga qadar surishtiruv harakatlari olib borilmoqda
Buxoroda Hyundai yonib ketdi.
Dastlabki ma’lumotlarga ko‘ra, 2022-yil 3-yanvar kuni soat 14:20 larda Buxoro viloyati, Vobkent tumani hududidan o‘tuvchi M-37 avtomobil yo‘lining 241-kilometrida haydovchi, A.R. (1986-yilda tug‘ilgan) boshqaruvidagi Hyundai Porter yuk avtomobilining salon qismida harakat vaqtida yong‘in yuzaga kelgan.
Haydovchi transport vositasini zudlik bilan to‘xtatgan. Yong‘in o‘t o‘chiruvchilar tomonidan bartaraf etilgan.
Hodisa oqibatida tan jarohati olgan fuqarolar yo‘q. Transport vositasiga zarar yetgan.
Mazkur hodisa yuzasidan Vobkent tumani FVB va YHXB xodimlari tomonidan surishtiruv harakatlari olib borilmoqda.
Qarshida YTHga uchragan Sparkda yong‘in chiqdi
Qashqadaryo viloyatining Qarshi shahrida YTHga uchragan Spark avtomobilida yong‘in chiqdi. Bu haqda “Daryo”ga viloyat Favqulodda vaziyatlar boshqarmasi axborot xizmati rahbari Sohib Vaitov ma’lum qildi.
Qayd etilishicha, avtomobilda yong‘in 2022-yilning 3-yanvar kuni soat taxminan soat 21:18 da sodir bo‘lgan.
“Qarshi shahar Favqulodda vaziyatlar bo‘limiga Qarshi shahar Islom Karimov ko‘chasi ‘Vatanparvarlar’ bog‘i ro‘parasida avtomobilda yong‘in sodir bo‘layotgani to‘g‘risidagi xabar kelib tushgan. Xabarga ko‘ra, voqea joyiga bitta qutqaruv bo‘linmasi soat 21:20 da yetib borib, soat taxminan 21:22 da yong‘in to‘liq o‘chirilgan”, — deydi Sohib Vaitov.
Qo‘shimcha qilinishicha, yong‘in oqibatida avtomobilning old va mator qismi zarar ko‘rgan.
“Aniqlanishicha, yong‘in yo‘l transport hodisasi oqibatida ro‘y bergan. Mazkur transport vositasi Qarshi shahri ‘Shoxbekat’ mahallasida yashovchi 1975-yilda tug‘ilgan fuqaro N.O‘ ga tegishli bo‘lib, yong‘in natijasidan hech kim tan jarohati olmagan”, — deydi viloyat Favqulodda vaziyatlar boshqarmasi axborot xizmati rahbari.
Izoh (0)