Тошкент шаҳри Бектемир туманида жойлашган «Қўйлиқ» бозорида 14 ноябрь куни самарқандлик тадбиркордан пул талаб қилган шахслар қўлга олинди, деб хабар бермоқда Ички ишлар вазирлиги.
Маълум қилинишича, шу куни соат 09:30 атрофида Самарқанд шаҳрида яшовчи мева олди-сотдиси билан шуғулланувчи Ф.А. (1984 йилда туғилган) «Қўйлиқ» бозорига хўл мева маҳсулотлари сотиб олиб, Самарқандга юбориш мақсадида келган. Шунда унинг олдига 4 нафар шахс келиб, ўзганинг мулкини очиқдан очиқ талон-торож қилиш ниятида ундан 400 долларини олиб қўйиб, воқеа жойидан яширинган.
Тезкор қидирув ишлари натижасида жиноятни содир этганликда айбланиб, Миробод тумани Қўйлиқ мавзесида яшовчи Х.И. (1984 йилда туғилган), Х.Ф. (1986 йилда туғилган) ва Х.И. (1978 йилда туғилган) қўлга олинган.
Терговолди суриштирув ишлар натижасида улар Ф.А.ни 7-8 йилдан бери таниши маълум бўлган. Айбланувчилар аризачи улардан доимий равишда мева олиб кетиб, 4 миллион сўм миқдорида қарз бўлиб, 2 йилдан бери бермасдан қочиб юргани, сўнг шу куни улар аризачини кўриб қолганларида у билан низолашиб, ёнида бўлган пулни олиб қўйганини билдирган.
Мазкур ҳолат бўйича ҳужжатлар тўпланиб, Бектемир тумани ИИО ФМБга топширилган.
Изоҳ (0)