Якунланаётган йил кўплаб оилаларга фарзанд қувончини олиб кирди. Шу жумладан, кўплаб санъат ва маданият вакиллари ҳам ота-оналик мартабасига эришди.
Раққоса Паризода 8 январь куни учинчи фарзандини дунёга келтирди. У икки қизидан кейин дунёга келган ўғил фарзандига Муҳаммадқодир деб исм қўйди.
Актриса Шаҳзода Матчонова 6 апрель куни илк марта она бўлди. Аммо у қизи Рания билан боғлиқ маълумотларни омма билан бўлишишни истамайди.
Актриса Азиза Ёқубова 14 апрель куни иккинчи бор оналик бахтига эришиб, ўғил фарзандли бўлди. Ҳомила 7 ойлик туғилгани боис она-бола синовли кунларни бошидан ўтказди. Ҳозирда Муҳаммадамирнинг соғлиғи жойида.
Ойбек ва Нигора жуфтлиги 18 июнь куни қиз фарзандли бўлди. Уларнинг Имрон ва Усмон исмли ўғиллари бор эди. Хонанда қизига Самия деб исм қўйди.
«Виа Шарқ» гуруҳи аъзоси Татяна 15 июль санасида ўғил фарзандли бўлди. У ўғлига Матин деб исм қўйди.
Фарҳод ва Ширин жуфтлигидаги — Ширин 16 июль куни қиз фарзандли бўлди. У қизалоғига Ясмина деб исм қўйди.
Худди шу куни яна бир юлдузли жуфтлик Феруза Мелибоева ва Самиддин Лутфиллаев яна бир бор ота-оналик мартабасига эришди. Улар 17 июль куни ўғил фарзандли бўлди.
«Қадам» сериалидаги роли билан томошабинларга яхши таниш бўлган актриса Камила Гимандинова 17 июль куни илк фарзандини дунёга келтирди. У қизига Айлин деб исм қўйди.
Актриса Шаҳло Темирова 7 октябрь куни иккинчи бор она бўлди. У қизалоғига Осиё деб исм қўйди.
Инстаблогер Ганя Усмонова 20 октябрь куни қиз фарзандли бўлди. У қизалоғига Меҳринур деб исм қўйди.
Актёрлар жуфтлиги Миркамол Қорабоев ва Юлдуз Файзиева 29 октябрь куни қиз фарзандли бўлди. Улар қизалоқларига Роҳатхон деб исм қўйишди.
Хоразмлик хушовоз хонанда Дилафрўз Бекматова 25 ноябрь куни ўғил фарзандли бўлди. У ўғлига Муҳаммаджон деб исм қўйди.
Ёш актриса Кумуш Ўктамова 9 декабрь куни қиз фарзандли бўлди. У қизалоғига Марям деб исм қўйди.
Хонанда Шароф Муқимов 19 декабрь куни иккинчи бор оталик бахтига муяссар бўлди. Навбатдаги фарзанд ўғил бўлиб, унга Тоҳир деб исм қўйишди.
Актриса Севара Солиева 23 декабрь куни учинчи бир оналик бахтига муяссар бўлди. Унинг Султонбек ва Умарбек исмли ўғиллари бор эди.
Изоҳ (0)