Ismini o‘zgartirmoqchi bo‘lgan Kianu Rivz, ilmiy maqolalar yozgan Natali Portman. Hatto eng ashaddiy muxlislarga ham noma’lum bo‘lgan mashhurlar bilan bog‘liq faktlar

Yulduzlar haqida hamma ma’lumotni bilaman deb o‘ylaganlar yanglishadi. Negaki hatto eng ashaddiy muxlislar ham bexabar bo‘lgan ma’lumotlar yo‘q emas. AdMe nashri mashhurlar bilan bog‘liq hammaga ham ma’lum bo‘lmagan faktlarni e’tiboringizga havola qiladi.

Natali Portmanning maqolasi ilmiy jurnalda chop etilgan

O‘rta maktabda o‘qib yurgan paytlari Kimyoviy ta’lim jurnalida Natalining “Shakardan vodorodni fermentativ ishlab chiqarishning oddiy usuli” maqolasi chop etilgan. Keyinchalik esa u Garvarddagi talabalik yillarida boshqa bir tadqiqotning hammuallifi bo‘lgan.

Rebel Uilson “Oskar” bilan bog‘liq gallyutsinatsiyadan keyin aktrisa bo‘lishga qaror qilgan

Rebel Uilson 17 yoshida aktrisa bo‘lishga qaror qilgan va bunga Zimbabveda sodir bo‘lgan hodisa sabab bo‘lgan. Bezgak bilan og‘rigan Rebel qattiq isitmalaganda “Oskar” taqdirlash marosimida nutq so‘zlayotgani ko‘ziga gallyutsinatsiya bo‘lib ko‘ringan. “Bu shunchalik oydin ediki, tuzalganimdan keyin bunda bir belgi bor deb bilib, aktrisa bo‘lishga qaror qildim”, — degan u.

Elvis Presli aslida mallasoch bo‘lgan

Elvisni muxlislar nafaqat xushovoz xonanda, balki tim qora sochli, kelishgan aktyor sifatida yaxshi bilgan. Moviy ko‘zli Elvis aslida malla bo‘lgan, sochlarini o‘smirlik davridanoq bo‘yab yurgan. U shunday qilsam kinoplyonkada yaxshiroq ko‘rinaman deb hisoblagan. U zamonlar kosmetik vositalar qimmat bo‘lgani hisobiga u sochlarini bo‘yash uchun poyabzal moyidan foydalangan.

Deniel Redkliffni Garri Potterning ko‘zoynagiga allergiyasi bo‘lgan

Garri Potterning ko‘zoynagi, afsungar bolakay obrazining ajralmas qismi hisoblangan muhim detaldir. Ammo suratga olish jarayonida aynan mazkur ko‘zoynak bilan bog‘liq yoqimsiz hodisa sodir bo‘lgan. Garri Potterni gavdalantirgan Redkliffning ko‘zoynak materialining tarkibidagi nikel (kimyoviy element)ga allergiyasi bo‘lgan. Bu haqida suratga olish jarayonida aktyorning ko‘zlari atrofida oq dog‘lar paydo bo‘lganidan keyingina ma’lum bo‘lgan. Ushbu muammoni hal qilish uchun yangi ko‘zoynak allergiya keltirib chiqarmaydigan materialdan yasalgan.

Beyonse sharafiga nomlangan pashsha

2012-yil Avstraliyaning Kvinslend shahridan topilgan pashsha xonanda Beyonse sharafiga Scaptia beyonceae deb atalgan.

“Forrest Gamp” filmidagi ba’zi sahnalar suratga olinishi uchun Tom Xenksning o‘zi pul to‘lagan

“Forrest Gamp” filmining budjeti 55 million dollarni tashkil qilgan va bu 1994-yilga nisbatan ancha katta mablag‘ bo‘lgan. Xarajatlarning oshib ketgani hisobiga suratga olish ishlarini moliyalashtiruvchi Paramount studiyasi ayrim sahnalar, xususan, bosh qahramonni Amerika bo‘ylab yugurishini olib tashlamoqchi bo‘lgan. Tom Xenks va rejissor Robert Zemekis xarajatlarni qoplash uchun foydaning bir qismini sarflashga qaror qilgan. Ammo bu besamar bo‘lmagan The Hollywood Reporter ma’lumotiga ko‘ra, aktyor film ortidan 65 million dollar ishlab topgan.

Jennifer Lourensning “H2O” tatuirovkasi bor

Bergan intervyulardan birida Jennifer ko‘proq suv ichishga harakat qilishi va buni eslatib turishi uchun “H2O”ni tatuirovka qilib tushirganini ma’lum qilgan. Ammo undagi 2 raqami noto‘g‘ri aks etgan.

Kianu Rivz ismini Chak Spadinga o‘zgartirishi mumkin edi

Jimmi Fellonga bergan intervyusida Kianu ismini Chak Spadin yoki Templton Peyjga o‘zgartirishi mumkin bo‘lganini ma’lum qilgan. Aktyor Gollivudda endi faoliyatini boshlaganda agentlari unga ismini jarangdorroq boshqa bir variantga o‘zgartirishi kerakligini aytgan.

Leonardo Di Kaprio ismini Lenni Uilyamsga o‘zgartirishi mumkin edi

Karyerasini endi boshlagan Leonardo agent topish bilan bog‘liq qiyinchiliklarga duch kelgan. Topgan yangi agenti esa unga ismini Lenni Uilyamsga o‘zgartirishni taklif qilgan. Ammo aktyor bunga rozi bo‘lmagan.

Leonardo Di Kaprioga bejiz bunday ism qo‘yilmagan

Bo‘lajak aktyorning onasi Irmelin unga homilador vaqtida Florensiyadagi Uffitsi galereyasida italiyalik rassom va olim Leonardo da Vinchining asarlarini tomosha qilgan. O‘sha paytda u qornidagi bolasining tepayotganini his qilgan va bo‘lajak o‘g‘liga Leonardo deb ism qo‘yishga qaror qilgan

Stiven King 6—7 yoshidan yoza boshlagan

XX asrning eng mashhur yozuvchilaridan hisoblangan Stiven King, bergan intervyularida yozishni 6 yoki 7 yoshdan boshlaganini ma’lum qilgan.

Maykl Jekson musiqa o‘qish yoki yozishni bilmagan

Maykl Jekson kompozitor-ijrochi ekaniga qaramay, musiqa yozish va o‘qishni, cholg‘u asboblarini chalishni unchalik yaxshi bilmagan. U qo‘shiqlarining bir qismini yozib, qilgan xirgoyisini magnitofonga yozib olgan.