Uzoq muddatli vazn yo‘qotish strategiyasi: Bir yil ichida orzudagi qomatga erishish uchun nima qilish kerak?

Yuzlab parhezlar va parhezshunoslar tez va oson ozish mumkinligini vada qiladi. Ammo vazn tashlash borasida maqsadga erishish uchun jismoniy faollik va kaloriya miqdori hisoblanadigan sog‘lom ovqatlanishni umumlashtirish muhim sanaladi. Bu borada muvaffaqiyatga erishish uchun nima qilish kerakligi haqida nutritsiolog Yelena Sviridova ma’lumot berib o‘tadi.

Irodangiz yetishiga ishonchingiz komil bo‘lsin

Vazn tashlash vaqt, urinish va shuningdek uzoq muddatli majburiyatlarni o‘z zimmasiga olish demakdir. Ovqatlanish bilan bog‘liq odatlar, kun tartibini o‘zgartirishga, kerak bo‘lsa mutaxassisga murojaat qilishga tayyor bo‘ling.

O‘z oldingizga haqiqatan yiroq bo‘lmagan maqsadlar qo‘ying

Hafta davomida 0,5—1 kilo vazn tashlashga urinish haqiqatga to‘g‘ri keladi. Doimiy jismoniy faollikning yetishmagani hisobiga me’yordagidan 500—1000 ko‘proq kaloriya sarflash kerak bo‘ladi. Oldingizga maqsad qo‘yganda faqat natija emas, jarayon haqida ham o‘ylang. Masalan, kun davomida kamida 30 daqiqa yurish, alal-oqibat esa 10 kiloga ozish haqida o‘ylang. Jarayon bilan bog‘liq muhim maqsadlarning qo‘yilishi vazn yo‘qotish uchun qo‘yilgan asosiy qadamlardan biri hisoblanadi.

Cheklovlardan voz keching

Kaloriyadan cheklanish va jismoniy zo‘riqish xavfsiz emas. Bu usul tez samara bergani bilan salomatlik uchun zararli bo‘lishi mumkin. Gap shundaki, organizm ochiqqanda kaloriyalarni qisqartirish hisobiga energiyani tejashga harakat qiladi.

O‘z holatingizni tahlil qiling

Ozish jarayonida psixologik ahvolingizga xolis baho bering. Ovqatlanish bilan bog‘liq jiddiy parhezga rioya qila olmasangiz, o‘zingizni ayblamang. Bosh og‘rishi, kayfiyat o‘zgarishini hisobga oling. Ozish vaqtida kishi o‘zini yomon his qilishi tabiiy hol emas. Noto‘g‘ri strategiyaga o‘rganib qolish o‘z-o‘zidan bo‘lib qolmaydi. Ritmda bo‘lish va hammasiga qo‘l siltamaslik uchun o‘zingiz uchun qulaylik yaratib olish muhim sanaladi.

Ongli ravishda ovqatlaning

Ongli ravishda ovqatlanish tez to‘yish va undan rohatlanish imkonini beradi. Shu sabab ham grafik bo‘yicha ovqatlanishga urining. Shoshilmang va boshqa narsalarga chalg‘imang. Har safar tanovuldan keyin o‘zingizga sekin ovqatlandimmi yoki chalg‘idimmi, och bo‘lganim uchun ovqatlandimmi yoki taklif qilishgani uchun yo bo‘lmasa, qancha miqdorda taom iste’mol qildim, jarayonda nimani his qildim deb o‘zingizga savol bering. Bunday tahlil ehtiyoj bo‘lmaganda ham avtomatik tarzda ortiqcha ovqatlanib yuborishning oldini oladi.

Sport bilan shug‘ullaning

Velosiped uching, suzing, toza havoda sayr qiling, xullas o‘zingiz yoqtiradigan sport bilan shug‘ullaning. Vazn kamayishi va tetik his qilish uchun hafta davomida o‘rtacha 150—300 daqiqa yoki 75—150 daqiqa zo‘riqishda sport bilan shug‘ullanish kerak.

Ovqatlanishda balans bo‘lishiga e’tibor qiling

Qayta ishlangan va yarim tayyor mahsulotlardan cheklanib, ratsionda ko‘proq oqsil bo‘lishiga e’tibor qarating. Bu ishtahani nazoratda bo‘lishi va to‘qlik hissining saqlanib turishiga hissa qo‘shadi. Hazm jarayonini yaxshilab, qondagi qand miqdorini kamaytiradigan kletchatkaning koni bo‘lgan dukkakli mahsulotlar, sabzavot va mevalarni kanda qilmang. Uglevodlardan iloji boricha tiyilishga harakat qiling. Tuz, yog‘ va shakarsiz butun donli mahsulotlarni tanlashni ham esdan chiqarmang.