Iordaniyalik deputatlar parlament yig‘ilishida mushtlashib ketdi (video)

Iordaniyada parlament deputatlari majlis davomida o‘zaro mushtlashib ketdi. Bu haqda Reuters agentligiga tayanib, Tengrinews xabar berdi.

Ta’kidlanishicha, mazkur voqea deputatlardan biri majlis vaqtida konstitutsiyaga o‘zgartirish kiritish bo‘yicha bildirilgan takliflar bo‘yicha asossiy gaplarni aytgani uchun uzr so‘rashdan bosh tortgani oqibatida boshlangan.

Agentlikning aniqlik kiritishicha, palata konstitutsiyaning teng huquqlilik bo‘limiga Iordaniya fuqaroligini anglatuvchi arab tilining ‘jenskiy roddagi otni’ kiritishni muhokama qilgan. Bu qo‘shimchani parlamentning ayrim a’zolari “keraksiz” deb atagan. Shundan so‘ng, deputatlar guruhi ovozini ko‘targan holda majlis zalida bahslashishga kirishgan. Ulardan ikki nafari esa o‘rtaga chiqib, mushtlashib ketgan.

“Dahanaki boshlangan jang bir nechta deputatlar tomonidan mushtlashuvga aylanib ketdi. Bu kabi xatti-harakat xalqimizga xos emas va mamlakatimiz obro‘ziga putur yetkazadi”, — deydi parlament a’zosi Halil Atiyex.

Yuzaga kelgan janjal sabab majlisni yarim soatga to‘xtatishga to‘g‘ri kelgan. Mojaro oqibatida hech kim jabrlanmagan.