Joriy yilning 11-dekabr sanasida Indenim kiyim do‘konlari tarmog‘i xalqimizga yana bir ajoyib tuhfani taqdim etdi. Bu safar Indenim Toshkent shahrining Uchtepa tumanida qad rostlagan Depo Mall savdo markazida 37-filialini tantanali shukuhda ochdi.
Ushbu do‘kon avvalgilaridan farqli tarzda italyan va turk arxitektor-dizaynerlari tomonidan ishlab chiqilgan yangi konsepsiya asosida ochildi. Indenim’ning ushbu yangi konsept do‘koniga ilk qadam qo‘yganingizda, birdan u yerdagi yoqimli atmosferani his qilasiz.
Do‘konning erkaklar, ayollar va bolalar bo‘limlariga ratsional taqsimlanganligi, har bir bo‘limdagi kiyimlar esa o‘ziga xos tarzda Casual, Classic, Young, Chic, Active, Basic va Denim bo‘limlariga ajratilgani mijozlarning o‘z xaridlarini qulay shaklda amalga oshirishini ta’minlaydi. Bir so‘z bilan aytganda, do‘konning har bir qismida ifodalangan professional yondashuvga guvoh bo‘lishingiz mumkin. Qolaversa, bu O‘zbekiston iqtisodiyoti tekstil sanoati va kiyim-kechak chakana savdosi (Fashion Retail) rivojlanishida ham o‘ziga xos qadam bo‘ldi desak mubolag‘a bo‘lmaydi. Shuningdek, ushbu yangi konsept Indenim’ning yangi do‘kon ochilishiga tashrif buyurgan Fashion Retail mutaxassislarining ham yuksak e’tirofiga sazovor bo‘ldi.
Paxta ekimidan tayyor mahsulotgacha bo‘lgan jarayonni o‘zida aks ettirgan ushbu brend tikuv fabrikalarini o‘zida birlashtirib, yengil sanoat sohasida dadil faoliyat yuritib kelmoqda. Bugungi kunda Fashion Retail sohasida o‘zining so‘zini aytayotgan Indenim brendi endi yangi konsepsiya asosida, yanada ko‘rkam qiyofada barcha mushtariylarga manzur bo‘ladi degan umiddamiz.
Aytish joizki, Indenim kiyim do‘konlari tarmog‘i 2023-yilda mamlakat bo‘ylab 100 dan ortiq do‘konlarini ochish orqali bozorning yetakchi brendi bo‘lishni o‘z oldiga asosiy maqsad qilib qo‘ygan. Kelajakda esa dunyo sahnasiga ko‘tarilish uchun chet ellik malakali mutaxassislar ko‘magida Indenim jamoasi betinim harakat qilmoqda.
Kompaniya rahbari Azizbek Boboazizov so‘zlariga ko‘ra, “Biz Fashion Retail sohasida ulkan salohiyatimizni ta’minlab beruvchi 6 ta tikuv fabrikalariga va Indenim brendiga asos soldik, minglab ish o‘rinlarini yaratdik, yoshlarga tekstil va chakana savdo yo‘nalishida yetuk mutaxassis bo‘lib shakllanishiga zamin yaratdik. Maqsadimiz — yaqin 5 yil ichida MDH davlatlariga chiqish va xorijning hech qaysi bir brendidan qolishmaydigan o‘zbek brendini dunyoga tanitish”.
Reklama huquqi asosida.
Izoh (0)