Жорий йилнинг 11 декабрь санасида Indenim кийим дўконлари тармоғи халқимизга яна бир ажойиб туҳфани тақдим этди. Бу сафар Indenim Тошкент шаҳрининг Учтепа туманида қад ростлаган Depo Mall савдо марказида 37-филиалини тантанали шукуҳда очди.
Ушбу дўкон аввалгиларидан фарқли тарзда итальян ва турк архитектор-дизайнерлари томонидан ишлаб чиқилган янги концепция асосида очилди. Indenim’нинг ушбу янги концепт дўконига илк қадам қўйганингизда, бирдан у ердаги ёқимли атмосферани ҳис қиласиз.
Дўконнинг эркаклар, аёллар ва болалар бўлимларига рационал тақсимланганлиги, ҳар бир бўлимдаги кийимлар эса ўзига хос тарзда Casual, Classic, Young, Chic, Active, Basic ва Denim бўлимларига ажратилгани мижозларнинг ўз харидларини қулай шаклда амалга оширишини таъминлайди. Бир сўз билан айтганда, дўконнинг ҳар бир қисмида ифодаланган профессионал ёндашувга гувоҳ бўлишингиз мумкин. Қолаверса, бу Ўзбекистон иқтисодиёти текстил саноати ва кийим-кечак чакана савдоси (Fashion Retail) ривожланишида ҳам ўзига хос қадам бўлди десак муболаға бўлмайди. Шунингдек, ушбу янги концепт Indenim’нинг янги дўкон очилишига ташриф буюрган Fashion Retail мутахассисларининг ҳам юксак эътирофига сазовор бўлди.
Пахта экимидан тайёр маҳсулотгача бўлган жараённи ўзида акс эттирган ушбу бренд тикув фабрикаларини ўзида бирлаштириб, енгил саноат соҳасида дадил фаолият юритиб келмоқда. Бугунги кунда Fashion Retail соҳасида ўзининг сўзини айтаётган Indenim бренди энди янги концепция асосида, янада кўркам қиёфада барча муштарийларга манзур бўлади деган умиддамиз.
Айтиш жоизки, Indenim кийим дўконлари тармоғи 2023 йилда мамлакат бўйлаб 100 дан ортиқ дўконларини очиш орқали бозорнинг етакчи бренди бўлишни ўз олдига асосий мақсад қилиб қўйган. Келажакда эса дунё саҳнасига кўтарилиш учун чет эллик малакали мутахассислар кўмагида Indenim жамоаси бетиним ҳаракат қилмоқда.
Компания раҳбари Азизбек Бобоазизов сўзларига кўра, «Биз Fashion Retail соҳасида улкан салоҳиятимизни таъминлаб берувчи 6 та тикув фабрикаларига ва Indenim брендига асос солдик, минглаб иш ўринларини яратдик, ёшларга текстил ва чакана савдо йўналишида етук мутахассис бўлиб шаклланишига замин яратдик. Мақсадимиз — яқин 5 йил ичида МДҲ давлатларига чиқиш ва хорижнинг ҳеч қайси бир брендидан қолишмайдиган ўзбек брендини дунёга танитиш».
Реклама ҳуқуқи асосида.
Изоҳ (0)