Qurilish materiallarini ishlab chiqaruvchi yirik korxonalardan biri — Penoplex kompaniyasi ishlab chiqarish quvvatini oshirishda davom etmoqda. Mazkur kompaniya O‘zbekistonda issiqlikni izolyatsiya qiluvchi materiallarning ishlab chiqarish maydonchasini kengaytirishga sarmoya kiritmoqda. Ekstruzivlangan penopolistiroldan yuqori sifatli issiqlikni izolyatsiya qiluvchi materiallarni ishlab chiqaruvchi yangi tizimni 2022-yilda Toshkent viloyati, Angren shahrida, ishlab chiqaruvchining maydonchasida ishga tushirish rejalashtirilgan.
O‘zbekistonda yangi liniyaning ishga tushirilishi kompaniyaning issiqlikni izolyatsiya qiluvchi plitalar ishlab chiqarish quvvatini yiliga 450 000 kub metrga oshirishi mumkin. Qo‘shimcha liniya nafaqat mintaqa ichida mahsulot assortimentini kengaytirish, balki qo‘shni davlatlar — Tojikiston hamda Qirg‘izistonda ham yuqori sifatli qurilish materiallariga ortib borayotgan talabni to‘la to‘kis qondirish imkonini beradi.
Kompaniya yetakchi ilmiy-tadqiqot va tajriba-konstruktorlik institutlari bilan hamkorlikda sanoat, agrosanoat, fuqarolik va yakka tartibdagi uy-joy qurilishi uchun kompleks energiya samarador tizim yechimlarini ishlab chiqmoqda. Penoplex’ning barcha materiallari va tizimlari iqlim sharoiti issiq bo‘lgan mintaqalarga moslashtirilgan va nafaqat qishda issiqni, balki yozda xona ichidagi salqin havoni ham saqlab qolishga imkon beradi.
Bugungi kunda Penoplex mahsulotlari Rossiyada ommabop hisoblanib, dunyoning 30 dan ortiq davlatlariga muvaffaqiyatli eksport qilinmoqda. Kompaniya tarkibiga 13 ta ishlab chiqarish maydonchalari kiradi: o‘ntasi Rossiyaning shaharlarida, shuningdek, uch nafar zavod chet elda joylashgandir. Maydonchalar zamonaviy laboratoriyalar bilan jihozlangan bo‘lib, ularda materiallarning har bir partiyasi sinovdan o‘tkaziladi. Ushbu korxonalarda jahonning yetakchi ishlab chiqaruvchilaridan uskuna va jihozlar o‘rnatilgan.
Yirik xalqaro ishlab chiqaruvchi sifatida Penoplex kompaniyasi qurilish sohasida energiya samaradorligini oshirish va atrof-muhitga zarar yetkazmaslik bo‘yicha yangi loyihalarni ishlab chiqishga katta e’tibor qaratadi. Kompaniya noyob ishlanmalarni faol ravishda amalga oshiradi va aksariyat hollarda sohada birinchi bo‘lib bozorga yangi konstruktiv yechimlarini taklif qiladi. Shu bilan o‘zi mavjud bo‘lgan hududda qurilish sifatini oshirishga erishadi.
Penoplex kompaniyasi o‘z faoliyatini 1998-yilda Penoplex® savdo belgisi ostida ekstruziv penopolistiroldan issiqlikni izolyatsiya qiluvchi materiallar ishlab chiqarish bo‘yicha, Rossiyada birinchi ishlab chiqarish tizimini ishga tushirish bilan boshlagan. Bugungi kunda Penoplex tarkibiga quyidagi sohalarda mahsulotlar ishlab chiqaruvchi va sotuvchi ushbu kompaniyalar kiradi:
Penoplex® — issiqlikni izolyatsiya qiluvchi materiallar;
Plastfoil® — gidroizolyatsiya materiallari;
Plastguard — himoyalovchi va drenaj materiallari;
Stayrovit® — umumiy foydalanish uchun polistirol;
Plintex® — polistiroldan dekorativ va pardozlash materiallari;
Proplug — mahkamlovchi elementlar.
Reklama huquqi asosida.
Izoh (0)