“O‘zgidromet” dam olish kunlari qanday ob-havo bo‘lishini ma’lum qildi.
Unga ko‘ra, 18-dekabr, shanba kuni respublika hududining katta qismida yog‘ingarchiliksiz ob-havo saqlanib turadi, faqat shimoliy hududlarga Kaspiy dengizi hududlaridan nam havo massalari kirib keladi. Buning hisobiga faqat kechki soatlarda Qoraqalpog‘istonda va Xorazm viloyatida biroz yomg‘ir yog‘ishi kuzatiladi. Havo harorati kechasi 2 daraja sovuq-3 daraja iliqni tashkil etadi. Kunduzi 14-17 daraja iliqqacha ko‘tariladi.
19-dekabr, yakshanba kuni ko‘pchilik viloyatlarda yomg‘ir yog‘ishi kutilmoqda. Tog‘larda yog‘ingarchilik bo‘ladi, ba’zi joylarda kuchayadi. Harorat kechasi 0-5 daraja iliq atrofida bo‘ladi, kunduzi 8-13 daraja iliqqacha pasayadi.
Respublika bo‘yicha ba’zi joylarga tuman tushishi kutilmoqda.
Izoh (0)