Professional boksda harakat qilayotgan Iqboljon Xoldorov (2-0, 2 KO) 17-dekabr, juma kuni Toshkentdagi boks kechasida ikkinchi jangini o‘tkazdi.
Xoldorovga belaruslik Dmitriy Milyusha (9-6-1, 4 KO) raqiblik qildi. 6 raundga mo‘ljallangan jang birinchi raunddayoq yakunlandi. Iqboljon bir qator kuchli zarbalar yo‘lladi va uch bor raqibini nokdaun holatiga tushirdi. Shundan so‘ng hakam jang yakunlanganini e’lon qildi va Xoldorov nokaut evaziga g‘alaba qozondi.
Shu tariqa Iqboljon Xoldorov prof boksdagi ikkinchi jangida ham g‘alabani tantana qildi. U debyut jangini 2021-yilning aprel oyida tanzaniyalik Kulva Bushiriga qarshi o‘tkazgan va uni 2-raundda nokautga uchratgandi.
Izoh (0)