Namanganda Damas velosipedchining umriga zomin bo‘ldi, deya xabar qilmoqda viloyat IIB axborot xizmati.
Qayd etilishicha, 2021-yil 29-noyabr kuni soat 14:30 larda Uchqo‘rg‘on tumani Andijon ko‘chasida fuqaro (Norin tumanida yashovchi, 1978-yilda tug‘ilgan) o‘zi ishlovchi MChJga tegishli Damas avtomashinasini boshqarib borayotib, harakat xavfsizligini ta’minlay olmagan.
Shu sabab o‘zidan oldinda ketayotgan velosipedchini (Uchqo‘rg‘on tumanida yashovchi, 1963-yilda tug‘ilgan) urib yuborgan.
Oqibatda velosipedchi bosh miya yopiq sinishi va qon quyilishi tashxisi bilan shifoxonaga yotqizilib, ko‘rsatilgan tez tibbiy yordamga qaramay vafot etgan.
Ushbu holat bo‘yicha Uchqo‘rg‘on tuman IIB huzuridagi TB tomonidan 2021-yil 9-dekabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Mavzuga doir:
Izoh (0)