Наманганда Damas велосипедчининг умрига зомин бўлди, дея хабар қилмоқда вилоят ИИБ ахборот хизмати.
Қайд этилишича, 2021 йил 29 ноябрь куни соат 14:30 ларда Учқўрғон тумани Андижон кўчасида фуқаро (Норин туманида яшовчи, 1978 йилда туғилган) ўзи ишловчи МЧЖга тегишли Damas автомашинасини бошқариб бораётиб, ҳаракат хавфсизлигини таъминлай олмаган.
Шу сабаб ўзидан олдинда кетаётган велосипедчини (Учқўрғон туманида яшовчи, 1963 йилда туғилган) уриб юборган.
Оқибатда велосипедчи бош мия ёпиқ синиши ва қон қуйилиши ташхиси билан шифохонага ётқизилиб, кўрсатилган тез тиббий ёрдамга қарамай вафот этган.
Ушбу ҳолат бўйича Учқўрғон туман ИИБ ҳузуридаги ТБ томонидан 2021 йил 9 декабрь куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Изоҳ (0)