Taniqli aktyor Javohir Zokirov Salom live YouTube kanaliga bergan intervyusida “Mendirman Jaloliddin” serialidan ko‘ngli to‘lmagani haqida gapirdi.
“Umumiy loyihadan ko‘nglim to‘lgani yo‘q. Sarflagan bir yil umrimga juda ham achindim. Sababi tasavvur qilganimdek bo‘lmadi. Men uni boshqacha tasavvur qilgandim, boshqalarga o‘xshamaydigan narsa bo‘ladi, deb o‘ylagandim. Har tomonlama ko‘nglim to‘lmadi. Umumiy javob shu, albatta, men odamlarni alday olmayman, shuning uchun to‘g‘risini aytaman”, — deydi aktyor.
“Serialning ikkinchi mavsumi boshlansa, suratga tushishga rozilik berasizmi?” degan savolga aktyor quyidagicha javob beradi:
“Bu savol. Agar menga ozgina quloq solishsa, ikkinchi mavsumga borishim mumkin. Aytganimdek, hamma narsani gaplashishning iloji bor. Lekin faqat bir tomonga o‘yin bo‘lishini xohlamas edim. Haqiqiy ijod bu birgalikda, kuch birgalikda bo‘ladi”.
Ma’lumot uchun, Javohir Zokirov “Mendirman Jaloliddin” serialida Chingizxon rolini ijro etgandi.
Aktyor suhbat davomida qanday hollarda muxlislariga qo‘l ko‘tarishi haqida ham gapirib o‘tdi.
“Hozirgi kunda odamlar juda ham o‘zidan ketib qolgan. Bir xil paytda juda o‘tkazvorishadi. Hattoki, oddiy misol rasmga tushishga. ‘Maylimi, siz bilan rasmga tushsak?’ deyishsa men hech qachon rad etmayman. Lekin ayrimlar kelib, quchoqlab oladi yoki farosatsiz gaplar gapirganida chiday olmayman, turtvoraman. Shunaqa joylari ham bor”.
Izoh (0)