Futbol bo‘yicha O‘zbekiston Superligasining 2021-yilgi mavsumi o‘z nihoyasiga yetdi. “Daryo” musobaqaning ortda qolgan mavsumiga oid bir qator statistikalarni taqdim etadi.

Foto: PFL

  • Eng ko‘p g‘olib bo‘lgan jamoa — “Paxtakor”. Toshkentliklar 19 ta o‘yinda raqiblaridan ustun kelgan.
  • Eng ko‘p durang natija qayd etgan jamoa — “So‘g‘diyona”. Jizzaxliklar Superligada 11 marta murosa yo‘lini tanlagan.
  • “Metallurg” mavsum davomida 17 marta mag‘lubiyatga uchragan. Bu chempionatdagi eng yomon natija.
  • “Paxtakor” 58 ta gol urib, chempionatning eng sermahsul jamoasi bo‘ldi. “Turon” 16 ta gol bilan eng kam gol urgan jamoaga aylandi.

Foto: “Paxtakor”

  • “Paxtakor” chempionatdagi eng kam gol o‘tkazib yuborgan jamoa. Chempion o‘z darvozasidan 18 ta gol olib chiqqan.
  • “Surxon” jamoasi darvozasi 43 marta ishg‘ol qilingan. Termizliklar mavsumning eng ko‘p gol o‘tkazib yuborgan klubi bo‘ldi.
  • “Paxtakor” uy o‘yinlarida eng ko‘p g‘alaba qozongan jamoa (13 ta o‘yindan 11 tasida g‘olib bo‘lgan).
  • “Andijon” esa uy o‘yinlarida eng kam g‘alaba qozongan jamoa (13 ta o‘yindan 2 tasida raqiblaridan ustun kelgan).

Foto: “Andijon”

  • “Metallurg” uy o‘yinlarida 8 marta mag‘lubiyatga uchragan. Bu chempionatning eng yomon natijasi.
  • “Paxtakor” mehmondagi uchrashuvlarda 8 marta g‘alaba qozonib, eng yaxshi natijani qayd etgan.
  • “OKMK” mehmondagi uchrashuvlarda eng kam mag‘lubiyatga uchragan (2 marta) jamoaga aylandi.
  • “Surxon” Superliganing mehmondagi o‘yinlarida eng ko‘p mag‘lubiyatga uchragan (10 ta) jamoa bo‘ldi.
  • Eng ko‘p muxlis tashrif buyurgan o‘yin: 3-turdan o‘rin olgan “Navbahor” — “Nasaf” bahsi. Uchrashuvga 19358 muxlis kirgan. O‘yin nursiz durang bilan yakunlangan.

Foto: “Navbahor”

  • Eng ko‘p quruq o‘yin o‘tkazgan darvozabonlar Milan Mitrovich (“So‘g‘diyona”), O‘tkir Yusupov (“Navbahor”): ular 12 ta o‘yinda o‘z darvozasi daxlsizligini saqlab qolgan.
  • Eng yirik hisob “Nasaf” va “Surxon” jamoalari o‘rtasidagi o‘yinda qayd etildi. Unda qarshiliklar 6:0 hisobida g‘alaba qozondi.

Foto: “Nasaf”

  • O‘z uyida eng yirik hisobda mag‘lubiyatga uchragan klub ham “Surxon” bo‘ldi. Termizliklar “Bunyodkor”ga 1:5 hisobida, “Paxtakor”ga esa 0:4 hisobida taslim bo‘ldi.
  • Eng ko‘p qayd etilgan hisob — 1:0. Mavsumdagi 28 ta (15,4%) o‘yin mezbonlarning minimal hisobdagi g‘alabasi bilan tugagan.

Foto: “OKMK”

  • Eng ko‘p daqiqa harakat qilganlar: O‘tkir Yusupov va Ignatiy Nesterov. “Navbahor” va “Qizilqum” darvozabonlari dam olishsiz harakat qildi — 2340 daqiqa.
  • Eng ko‘p vaqt harakat qilgan maydon o‘yinchisi esa Alisher Salimov (“Surxon”) bo‘ldi — 2333 daqiqa.
  • Superligada maydonga tushgan eng yosh futbolchi Nodir Abdurazzoqov. “OKMK” futbolchisi 2021-yil 31-iyul kuni “So‘g‘diyona”ga qarshi o‘yinda maydonga tushgan vaqtda 17 yosh 2 oy 4 kunlik bo‘lgan.
  • Chempionatning eng yoshi katta futbolchisi Kamoliddin Tojiyev. “Metallurg” himoyachisi 2021-yil 21-noyabrda “Turon” jamoasiga qarshi o‘yinda maydonga tushdi. Tojiyev o‘shanda 38 yosh 6 oy 18 kunlik edi.
  • “Gol+pas” tizimida eng ko‘p ochko to‘plagan futbolchi Dragan Cheran. Hujumchining hisobida 20 ochko (16+4) mavjud.

Foto: “Paxtakor” FK

  • Eng sermahsul duet — “Paxtakor” futbolchilari Dragan Cheran (16 ta gol) va Sherzod Temirov (8 ta gol).
  • Dragan Cheran (“Paxtakor”) va Husayn Norchayev (“Nasaf”) uydagi o‘yinlarda eng ko‘p gol urgan. Hujumchilar 10 tadan golni o‘z hisobiga yozdirib qo‘ygan.
  • Mehmondagi uchrashuvlarda eng ko‘p gol urgan hujumchi Temurxo‘ja Abduxoliqov bo‘ldi. “Lokomotiv” hujumchisi hisobida 8 ta gol mavjud.

Foto: “Lokomotiv”

  • Eng ko‘p legioner jalb qilingan mamlakat — Serbiya (18 futbolchi).
  • Eng yosh gol muallifi — Umarali Rahmonaliyev. “Bunyodkor” klubi futbolchisi “Turon” (3:1) darvozasini ishg‘ol qilgan vaqtda 18 yosh 2 oy 4 kunlik bo‘lgan.
  • Eng yoshi katta gol urgan hujumchi — Kamoliddin Tojiyev. “Metallurg” futbolchisi “Mash’al” darvozasini ishg‘ol qilganda 37 yosh 10 oy 17 kunlik bo‘lgan.
  • Eng ko‘p sariq kartochka olgan jamoa — “So‘g‘diyona” (68).
  • Eng kam sariq kartochka olgan jamoa — “Nasaf” (41).
  • Eng ko‘p qizil kartochka olgan jamoa — “Nasaf” (6).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!