O‘zbekistonda so‘nggi 3 yilda yo‘llar rekonstruksiyasi uchun jami 19,8 trillion so‘m ajratilgan. Bu haqda Iqtisodiy taraqqiyot va kambag‘allikni qisqartirish vazirligi matbuot xizmati xabar berdi.
Qayd etilishicha, yo‘l xo‘jaligi sohasida 2018—2021-yillar mobaynida amalga oshirilgan islohotlar natijasida respublika hududida jami 19,8 trillion so‘m mablag‘ hisobiga 45,3 ming kilometrdan ortiq umumiy foydalanishdagi avtomobil yo‘llari va xo‘jaliklararo ichki yo‘llarda qurish, rekonstruksiya qilish, ta’mirlash va saqlash ishlari olib borilgan.
Xususan:
- A-380 G‘uzor—Buxoro—Nukus—Beyneu avtomobil yo‘lining 125 kilometr qismi rekonstruksiya qilingan;
- A-373 M-39 avtoyo‘li—Guliston—Bo‘ka—Angren—Qo‘qon va Andijon orqali—O‘sh avtomobil yo‘lining Qamchiq dovonidan o‘tgan 58 kilometr qismi sementbeton qoplama qurgan holda rekonstruksiya qilingan;
- M-39 Olmaota—Bishkek—Toshkent—Termiz avtomobil yo‘lining 115 kilometr qismi asfaltbeton qoplama qurgan holda rekonstruksiya qilingan;
- A-373 Toshkent—O‘sh avtomobil yo‘lining 208-274 kilometr qismini aylanib o‘tishda Sirdaryo daryosi ustiga 250 kilometr uzunlikdagi ko‘prik qurilgan;
- Toshkent viloyatining Qibray va Yuqori Chirchiq tumanlaridan o‘tuvchi 19,2 kilometr uzunlikdagi yangi yo‘nalishdagi avtomobil yo‘li qurilgan.
Izoh (0)