Aleksandr Lukashenko Grodno viloyati rasmiylariga Belarus—Polsha chegarasidagi migrantlar uchun yotoq tashkillashtirish bo‘yicha topshiriq berdi. Bu haqda Lukashenko matbuot xizmatiga tayanib, Meduza xabar berdi.
Boshpana migrantlar to‘plangan “Bruzgi—Kuznitsa” chegara punkti yaqinida logistik markazda tashkil etilgan.
Markazga, xususan, bolali oilalar joylashtirilgan. Lukashenkoning Grodno viloyati bo‘yicha maslahatchisi Yuriy Karayevning ma’lum qilishicha, migrantlarga matraslar, ko‘rpa-yostiqlar, kiyimlar, yegulik va ichimlik suvi, shuningdek, tibbiy xizmat taqdim etilgan.
Polsha va Belarus chegarasidagi vaziyat 8-noyabr kuni Yaqin Sharq davlatlaridan kelgan bir necha ming muhojir Belarus tomonidan Polsha bilan chegaraga yaqinlashib, Yevropa Ittifoqiga ko‘chib o‘tmoqchi bo‘lganidan keyin yanada murakkablashdi. Polsha hukumati bu voqealarni chegaradagi inqiroz boshlanganidan beri eng og‘ir lahza deb baholadi.
Polsha, Litva va Latviya so‘nggi oylarda Belarus orqali Yevropa Ittifoqiga kirishga urinayotgan noqonuniy muhojirlar oqimi ortayotganini qayd etdi. Yevropa Ittifoqi Belarusni Ittifoq chegaralari yaqinida tartibsizliklar yaratishda ayblamoqda. Boltiqbo‘yi davlatlari Belarus hukumatini muhojirlar oqimini atay uyushtirganlikda ayblab, buni “gibrid tajovuz” deb atamoqda. Yevropa Komissiyasi ham xuddi shunday pozitsiyada.
Mavzuga doir:
Izoh (0)