Александр Лукашенко Гродно вилояти расмийларига Беларусь—Польша чегарасидаги мигрантлар учун ётоқ ташкиллаштириш бўйича топшириқ берди. Бу ҳақда Лукашенко матбуот хизматига таяниб, Meduza хабар берди.
Бошпана мигрантлар тўпланган «Брузги—Кузница» чегара пункти яқинида логистик марказда ташкил этилган.
Марказга, хусусан, болали оилалар жойлаштирилган. Лукашенконинг Гродно вилояти бўйича маслаҳатчиси Юрий Караевнинг маълум қилишича, мигрантларга матраслар, кўрпа-ёстиқлар, кийимлар, егулик ва ичимлик суви, шунингдек, тиббий хизмат тақдим этилган.
Польша ва Беларусь чегарасидаги вазият 8 ноябрь куни Яқин Шарқ давлатларидан келган бир неча минг муҳожир Беларусь томонидан Польша билан чегарага яқинлашиб, Европа Иттифоқига кўчиб ўтмоқчи бўлганидан кейин янада мураккаблашди. Польша ҳукумати бу воқеаларни чегарадаги инқироз бошланганидан бери энг оғир лаҳза деб баҳолади.
Польша, Литва ва Латвия сўнгги ойларда Беларусь орқали Европа Иттифоқига киришга уринаётган ноқонуний муҳожирлар оқими ортаётганини қайд этди. Европа Иттифоқи Беларусни Иттифоқ чегаралари яқинида тартибсизликлар яратишда айбламоқда. Болтиқбўйи давлатлари Беларусь ҳукуматини муҳожирлар оқимини атай уюштирганликда айблаб, буни «гибрид тажовуз» деб атамоқда. Европа Комиссияси ҳам худди шундай позицияда.
Мавзуга доир:
Изоҳ (0)