Futbol bo‘yicha Yevropa Chempionlar Ligasining 4-turidan o‘rin olgan bir qator uchrashuvlar 3-noyabr, chorshanba kuni bo‘lib o‘tdi.
“Sherif” o‘z uyida “Inter”ni qabul qildi. Birinchi bo‘limda hisob ochilmadi. Tanaffusdan keyin milanliklar Marselo Brozovich, Milan Shkrinyar va Aleksis Sanchesning gollari evaziga uch ochkolik bo‘ldi. O‘zbekistonlik futbolchi Jasur Yaxshiboyev tiraspolliklar safida asosiy tarkibda tushdi va 82-daqiqada zaxiraga olindi.
Ushbu g‘alabadan keyin “Inter” D guruhida ochkolarini 7 taga yetkazib olgan holda ikkinchi o‘ringa ko‘tarildi. “Sherif” (6) esa uchinchi pog‘onadan joy olgan.
“Liverpul” va “Atletiko” jamoalari o‘rtasidagi o‘yinda inglizlarning qo‘li baland keldi. 13-daqiqada Diogu Jota mezbonlarni oldinga olib chiqqan bo‘lsa, 21-daqiqada Sadio Mane jamoasining ikkinchi golini urdi. 36-daqiqada Felipe to‘g‘ridan to‘g‘ri qizil kartochka olib maydonni tark etdi. Ikkinchi bo‘limda hisob o‘zgarmadi. Shu tariqa bu g‘alaba orqali Yurgen Klopp shogirdlari pley-off bosqichiga birinchi o‘rin bilan chiqish masalasini muddatidan avval hal qildi.
“PSJ” safarda “Leypsig”ga qarshi bahs olib bordi. Uchrashuvning 8-daqiqasidayoq Kristofer Nkunku nemislarni hisobda oldinga olib chiqdi. Bunda parijliklar birinchi bo‘limda Jorjinyo Veynaldumning dubli bilan javob qaytardi. Ikkinchi bo‘limda yakunlanishi arafasida mezbonlar penaltidan gol urgan holda muvozanatni tikladi.
Guruhning boshqa o‘yinida “Manchester Siti” “Bryugge”ga imkon qoldirmadi va ochkolarini 9 taga yetkazib, peshqadamga aylandi. Ikkinchi o‘rindagi “PSJ” hisobida 8 ochko bo‘lsa, “Bryugge” (4) uchinchi pog‘onadan joy olgan.
YChL
4-tur bahslari
3-noyabr, chorshanba
“Sherif” – “Inter” 1:3
Gollar: 0:1 – 54 Brozovich, 0:2 – 66 Shkrinyar, 0:3 – 82 Sanches, 1:3 – 90+2 Traore.“Sherif”: Atanasiadis, Fernando, Arboleda, Dulanto, Kristiano, Kolovos (Bruno, 73), Till, Addo (Radelich, 62), Traore, Kastanyeda, Yaxshiboyev (Julyen, 82).
“Inter”: Handanovich, Darmian (Dumfris, 46), de Vrey (Ranokkiya, 85), Shkrinyar, Bastoni, Dimarko (Perishich, 64), Vidal, Brozovich, Barella, Jeko (Korrea, 81), Martines (Sanches, 82).
Ogohlantirishlar: Addo (35), Darmian (43), Kristiano (51), Kolovos (61), Fernando (63), Shkrinyar (67).
“Liverpul” – “Atletiko” 2:0
Gollar: 1:0 – 13 Diogu Jota, 2:0 – 21 Mane.“Liverpul”: Alisson, Aleksander-Arnold, Matip, van Deyk, Simikas, Henderson, Oksleyd-Chemberlen (Minamino, 78), Fabinyo (Tiago Alkantara, 60), Saloh, Mane (Firmino, 46; Origi, 78), Diogu Jota.
“Atletiko”: Oblak, Trippyer, Felipe, Ximenes, Ermoso, Karrasko (Vrsalko, 69), Koke (Mateus Kunya, 69), de Paul, Suares (Errera, 59), Korrea (Serrano, 75), Joau Feliks (Lodi, 59).
Ogohlantirishlar: Ermoso (8), Mane (15), Suares (38), Koke (38), Joau Feliks (52), Diogu Jota (85).
Chetlatish: Felipe (36).
“Manchester Siti” – “Bryugge” 4:1
Gollar: 1:0 – 15 Foden, 1:1 – 17, avtogol Stounz, 2:1 – 54 Marez, 3:1 – 72 Sterling, 4:1 – 90+2 Gabriel Jezus.“Leypsig” – “PSJ” 2:2
Gollar: 1:0 – 8 Nkunku, 1:1 – 21 Veynaldum, 1:2 – 39 Veynaldum, 2:2 – 90+2, penalti Soboslai.“Leypsig”: Gulachi, Mukiyele, Orban (Aydara, 46), Gvardiol, Simakan, Anxelino, Forsberg (Soboslai, 59), Laymer (Henrixs, 85), Nkunku, Adams (Olmo, 74), Andre Silva (Poulsen, 59).
“PSJ”: Donnarumma, Hakimi, Markinyos, Kimpembe, Mendesh, Veynaldum (Errera, 85), Guye, Danilu Pereyra, Di Mariya (Draksler, 85), Neymar, Mbappe.
Ogohlantirishlar: Danilu Pereyra (10), Adams (25), Kimpembe (32), Mendesh (62), Simakan (69), Neymar (74).
“Borussiya D” – “Ayaks” 1:3
Gollar: 1:0 – 37, penalti Roys, 1:1 – 72 Tadich, 1:2 – 83 Aller, 1:3 – 90+3 Klassen.Chetlatish: Hummels (29).
Izoh (0)