Vazirlar Mahkamasining qarori asosida Bandlik va mehnat munosabatlari vazirligi huzuridagi Mehnat bozori tadqiqotlari instituti tomonidan 2021-yil 1-noyabrdan mehnat migratsiyasida talab yuqori bo‘lgan kasblar to‘g‘risida yagona ma’lumotlar bazasi shakllantiriladi. Bu haqda Tashqi mehnat migratsiyasi agentligi xabar berdi.
Shuningdek, qarorga ko‘ra, malakali kadrlarga bo‘lgan ehtiyojni baholovchi tizim hamda kasbiy standartlarni va mustaqil malaka baholashning ma’lumotlar bazasi yaratiladi.
Bundan tashqari, qaror bilan 2021-yil 31-dekabrga qadar zamonaviy bozor iqtisodiyoti talablariga javob beradigan O‘zbekistonda mehnatni me’yorlash konsepsiyasini ishlab chiqish vazifasi qo‘yilgan. Mehnat instituti 2021-yil 31-dekabrga qadar quyidagilarni nazarda tutuvchi Kasbiy malaka va bilimlarni rivojlantirish tizimining strategik mexanizmini shakllantirishga doir amaliy chora-tadbirlar ishlab chiqishi belgilangan:
- kasbiy malaka va bilimlarni rivojlantirish tizimi monitoringini amalga oshirish ko‘rsatkichlari tizimi va metodikasini tasdiqlash;
- kasbiy malaka va bilimlarni rivojlantirish tizimining holati va rivojlanishi monitoringini amalga oshirish;
- kasbiy malaka va bilimlarni rivojlantirish tizimi ekspertlari reyestrini tuzish;
- kasbiy faoliyatning tarmoqlararo turlari bo‘yicha tarmoq kengashlarining o‘zaro hamkorligi tartibini ishlab chiqish;
- davlat organlari va tashkilotlarining kasbiy malaka bilimlarini rivojlantirish tizimini hududiy mehnat va ta’lim bozorlari darajasida joriy qilish va takomillashtirish bo‘yicha faoliyatini baholashning ko‘rsatkich va indikatorlari ro‘yxatini shakllantirish.
Izoh (0)