Iordaniyada koronavirusga qarshi vaksina bilan to‘liq emlanmagan chet ellik ishchilar 15-dekabrdan deportatsiya qilinadi. Bu haqda mamlakat Ichki ishlar vazirligiga tayanib, Sinhua agentligi xabar berdi.
Qayd etilishicha, barcha ishchilar bepul emlanishi mumkin. Buning uchun ulardan ishlash yoki yashash uchun ruxsatnomasini ko‘rsatish talab etilmaydi.
Iordaniyada Suriya, Misr, Falastin, Iroq, Liviya va Yamandan kelgan 3,5 milliondan ortiq kishi ishlaydi. Rasmiy ma’lumotlarga ko‘ra, Iordaniya aholisining 40 foizdan kamrog‘i koronavirusga qarshi to‘liq emlangan.
Iyun oyida Italiyada haligacha koronavirusga qarshi emlanmagan tibbiyot xodimlarini ishdan chetlashtirish boshlangandi. Vaksinatsiyadan bosh tortgan tibbiyot xodimiga hamkasblari va bemorlari bilan aloqa talab etilmaydigan boshqa ish taklif qilinishi mumkin, ammo agar shunday ish o‘rni mavjud bo‘lsa. Aks holda bunday xodimlar 31-dekabrga qadar ish haqisiz ishdan chetlashtirilishi xabar qilingandi.
Izoh (0)