Иорданияда коронавирусга қарши вакцина билан тўлиқ эмланмаган чет эллик ишчилар 15 декабрдан депортация қилинади. Бу ҳақда мамлакат Ички ишлар вазирлигига таяниб, Sinhua агентлиги хабар берди.
Қайд этилишича, барча ишчилар бепул эмланиши мумкин. Бунинг учун улардан ишлаш ёки яшаш учун рухсатномасини кўрсатиш талаб этилмайди.
Иорданияда Сурия, Миср, Фаластин, Ироқ, Ливия ва Ямандан келган 3,5 миллиондан ортиқ киши ишлайди. Расмий маълумотларга кўра, Иордания аҳолисининг 40 фоиздан камроғи коронавирусга қарши тўлиқ эмланган.
Июнь ойида Италияда ҳалигача коронавирусга қарши эмланмаган тиббиёт ходимларини ишдан четлаштириш бошланганди. Вакцинациядан бош тортган тиббиёт ходимига ҳамкасблари ва беморлари билан алоқа талаб этилмайдиган бошқа иш таклиф қилиниши мумкин, аммо агар шундай иш ўрни мавжуд бўлса. Акс ҳолда бундай ходимлар 31 декабрга қадар иш ҳақисиз ишдан четлаштирилиши хабар қилинганди.
Изоҳ (0)