Uy emas, muzey: Rossiyalik xonanda Timatining Moskvadagi ikki qavatli kvartirasiga sayohat (foto)

38 yoshli xonanda Timati – Timur Yunusov Moskvada ikki qavatli uy sotib oldi. Uy maydoni 650 kvadrat metrni tashkil etadi. Taniqli dizaynerlardan Artem Zverev va Artur Sharf xonanda uyining interyeri uchun mas’ul edi. Ularning so‘zlariga ko‘ra, Timurning noodatiy iltimoslari bo‘lgan va ular reperning barcha orzularini ro‘yobga chiqarishga muvaffaq bo‘lgan.

Qo‘shiqchining kvartirasida devorlarni bo‘yash bilan eng yaxshi mutaxassislar shug‘ullangan. Birinchi qavat devorlariga Lui Armstrongning “What a Wonderful World” qo‘shig‘idan misralar yozilgan.

“Temur o‘zi uchun uni energiya va quvvat bilan to‘ldiradigan o‘ta zamonaviy uy bo‘lishini xohladi. Bu yerda hamma narsa g‘ayrioddiy tarzda rejalashtirilgan: masalan, deyarli 400 kvadrat metr maydondagi yuqori qavatda bor-yo‘g‘i ikki yotoqxona bor va bo‘sh joyning katta qismini mehmonxona egallaydi”, – deydi Artur.

Uyning birinchi qavatida bolalar uchun ikkita yotoqxona mavjud – biri Alyona Shishkovadan tug‘ilgan qizi – Alisa uchun, ikkinchisi Anastasiya Reshetovadan ko‘rgan o‘g‘li – Ratmir uchun. Bundan tashqari, katta pianino o‘rin olgan dam olish xonasi, shuningdek, oshxona bilan birlashtirilgan keng mehmonxona mavjud. Unda xonandaning sevimli mototsikli, diqqatni tortadigan, rasmlar va haykalchalar to‘plami mavjud.

Mebellardan bir nechta divanlar va pufakchali kreslo bor. “Eng noqulay, lekin eng chiroyli mebel, menimcha. Qulaylik nuqtayi nazaridan, bu eng nomaqbul stol, ammo uning dizayni juda ham yoqadi ”, – deydi xonanda. Ikkinchi qavatda xonandaning shaxsiy mulki joylashgan. Qavatlar orasida lift mavjud.

Kvartiraning ichki qismi ultra-zamonaviy ko‘rinishga ega. Interyer buyumlar alohida e’tibor bilan tanlangan. Xullas, xonandaning xonadonidagi shkaf va mebellar qimmatbaho eman daraxtidan yasalgan va deyarli har bir devorda taniqli rassomlarning ijodini ko‘rish mumkin.

“Kimdir buni qulay uy sifatida ko‘radi, lekin men uchun bu yoqimli va ilhomlantiruvchi muhit. Kimdir juda yorug‘, bunday muhitda yashash odamni charchatadi, deb aytadi. Ammo men uyimda o‘zimni ajoyib his qilyapman. Uy go‘yoki quvvatlantiradigan rozetkaga o‘xshaydi va barcha asar – energiya nuqtalaridir”, – deydi xonanda.

Rassomning asosiy faxri uning kolleksiyasidir. Timatining kvartirasida ko‘plab noyob asarlar – rasmlar, haykallar va boshqa nodir buyumlar mavjud. Reper markali sumkalarni ham yig‘adi. Timatining ta’kidlashicha, uning kvartirasi noaniq muzeyga o‘xshaydi.

“Men 10 yildan ortiq vaqtdan buyon zamonaviy san’at asarlarini to‘playman. Timati shunchalik kattaki, hammasi ham kvartiraga mos kelmadi, uning bir qismi omborda. Balki o‘z xazinalarimni keng ommaga ko‘rsatish uchun galereya ocharman. Menda Louis Vuitton sumkalarining to‘plami bor. Ikkitasi juda kam uchraydi, ularning rangli printi mening sevimli rassomlarimdan biri Takasi Murakami tomonidan yaratilgan. Men ularni uzoq kutdim. Kollektorlar orasida talabga ega bo‘lgan Kaws haykallarini yig‘ish uchun menga ko‘p vaqt kerak bo‘ldi ”, – deydi Timati.

Timati uy ta’miri uchun sarflangan mablag‘ni oshkor qilmadi, lekin uning aytishicha, “boshi juda aylanib qolgan”. Ehtimol, ta’mirlash qiymati uyning narxi bilan barobar kelishi ham mumkin.

Eslatib o‘tamiz, reperning yana bir kvartirasi bor, u yerda hozirda Anastasiya Reshetova va ularning o‘g‘li Ratmir istiqomat qiladi. Ularning so‘zlariga ko‘ra, model o‘z kvartirasida ta’mirlanguncha vaqtincha foydalanish uchun u yerda yashayapti.