Mashhur seriallardagi obrazi orqali o‘zbek tomoshabinlari ko‘nglidan joy olgan turk aktrisalari bilan tanishib chiqing.
Maryam Uzerli
“Muhtasham yuz yil” serialida Usmonli hukmdori Sulton Sulaymonning rafiqasi Xurram Sulton rolini ijro etganligi tufayli mashhurlikka erishgan Maryam Uzerlini eng sevimli turk aktrisalaridan biri deb hisoblash mumkin. Ma’lumki, Maryam nemis-turk oilasida tug‘ilgan, bolaligi va yoshligi Germaniyada o‘tgan.
Toki do‘sti unga yangi loyihada sinovdan o‘tish uchun Istanbulga kelishni maslahat bermaguncha, u mashhurlik haqida o‘ylab ham ko‘rmagandi. “Muhtasham yuz yil” ijodkorlari uzoq vaqtdan beri bosh rolga aktrisa izlar, lekin munosibini topa olishmagan. Ularga turk tilida talaffuz bilan gaplashadigan qiz kerak bo‘ldi va bu rol Uzerliga nasib qilgan.
Avvaliga unga hamkasblarini tushunmaganligi uchun bu ishni bajarish qiyin bo‘ldi. Biroq, vaqt o‘tishi bilan u turk tilini o‘rgandi va xotirjam ishlay boshladi. Suratga tushish ishlaridan tashqari hamkorlar bilan muloqot qila oldi.
“Menga Xurram Sultonni o‘ynash yoqardi. U hayotida juda ko‘p psixologik qiyin burilishlarga ega bo‘lgan aql bovar qilmaydigan kuchli ayol edi va u shu orqali hamma narsaga erishdi. Bu obrazning bir qismi bo‘lish yoqimli edi. Albatta, aktrisa qahramonning aynan o‘zi bo‘lolmasa-da, xarakteri, ovozi va his-tuyg‘ularini unga bag‘ishlaydi”, – deydi aktrisa.
2013-yilda aktrisa loyihani tark etdi, bu muxlislar uchun yaxshi yangilik emasdi. Ma’lum bo‘lishicha, Maryam sog‘lig‘i tufayli shunday qarorga kelgan, chunki u doimiy suratga tushish ishlari tufayli ahvoli yomonlashgan.
Maryam Uzerlining “Muhtasham yuz yil” tarixiy seriali tufayli dunyo yulduziga aylangani hech kimga sir emas. Bugunda u ham nemis, ham turk filmlarida, jumladan, “Ona yarasi”, “Tun malikasi”, “Narigi taraf” va boshqa filmlarda suratga tushgan.
Nur Fettaho‘g‘lu
Nur “Muhtasham yuz yil”ning yana bir yulduzi bo‘lib, unda Xurramning raqibi Mohidavron Sulton rolini o‘ynadi. Qizig‘i shundaki, dastlab Fettaho‘g‘lu aktrisa bo‘lishni rejalashtirmagan, u moliya tizimida faoliyat yuritgan.
Uning iste’dodini ko‘ra olgan va ekranga chiqishiga yordam bergan inson birinchi turmush o‘rtog‘i Murat Aysan edi. “Muhtasham yuz yil”dan keyin Nur “Hayot yo‘lida”, “Opa-singil farzandlari”, “Bobil”, “Qo‘rqmas” va boshqa filmlarda ham suratga tushgan.
Pelin Karaxan
Pelin ham hamkasbi Nur Fettaho‘g‘lu singari aktrisa bo‘lishni orzu qilmagan, biroq turizm va mehmonxona biznesi yo‘nalishida universitetda o‘qib yurgan chog‘ida Karaxan reklama roliklarida rol o‘ynagan va aktrisalik uning kasbi ekanini tushungan. Uning debyuti 2005-yilda namoyish etilgan “Jemal” filmidagi epizod roli bilan boshlangan.
Lekin haqiqiy muvaffaqiyatga Pelin “Muhtasham yuz yil” serialida Mehrimoh Sulton rolini o‘ynagach erishdi. Aktrisa nafaqat Turkiyada, balki chet elda ham mashhur.
Faxriye Evjen
Aktrisa 2013-yil “Choliqushi” seriali orqali ko‘plab tomoshabinlar ko‘nglidan joy olgan. Aynan suratga olish maydonchasida u bo‘lajak turmush o‘rtog‘i Burak O‘zchivit bilan uchrashgan.
Keyin ular birgalikda “Sevgi senga o‘xshaydi” dramasida o‘ynagan. 2017-yilda bo‘lib o‘tgan Evjen va O‘zchivitning to‘yi Turkiyada yil to‘yi deb nomlandi. Ikki yil o‘tib, juftlikning Karan ismli o‘g‘li dunyoga keldi.
Neslihan Atagul
Aytgancha, Burak O‘zchivit “Sevgi iztirobi” teleserialida Neslihan Atagul bilan ajoyib juftlik rolini ijro etgan. Burak va Neslihanni ishqiy munosabatlari haqida mish-mishlar ham tarqalgan, ammo ular buni rad etgan. O‘sha paytda, aktyor allaqachon Fahriye bilan uchrashgan va aktrisa esa Kadir Dog‘ulu bilan turmush qurgan edi. Neslihanni yana bir ajoyib serial – “Elchining qizi”da ham ko‘rish mumkin.
Burju O‘zberk
Ko‘p tomoshabinlar Burjuni “Muhtasham yuz yil” serialida Ibrohim posho va Xadicha Sultonning qizi Xurijixon Sulton, shahzoda Boyazidning suyuklisini ijro etgan rol bilan eslaydi. Bunday muvaffaqiyatli loyihadan so‘ng aktrisaga ko‘plab takliflar tusha boshlagan. O‘zberk “Gunesh qizlari”, “Ajoyib kuyov” seriallarida rol o‘ynagan.
Xande Erchel
Hozirda dunyo bo‘ylab mashhurlikda ilg‘or bo‘lgan aktrisa deb Xande Erchelni aytish mumkin. Aynan u boshqa mamlakat telekanallarida va kino platformasida namoyish etilayotgan “Eshigimni qoq” serialida bosh rolni ijro etgan.
Xande o‘z faoliyatini modellikdan boshlagan va 19 yoshida Ozarbayjonda o‘tkazilgan go‘zallik tanlovida ikkinchi o‘rinni egallagan. Aktrisaning debyuti “Choliqushi” teleserialidagi kichik roldan iborat edi.
Shundan keyin uning karyerasi gullab-yashnadi: Erchel “Gunesh qizlari“, “Malikam, endi qara”, “Qora marvarid”, “Halqa” va albatta, boshqa kartinalarda suratga tushdi. “Eshigimni qoq” serialining suratga olish maydonchasida u Kerem Bursin bilan tanishdi va ularning jiddiy munosabati omma orasida shov-shuvga sabab bo‘lmoqda.
Izoh (0)