Prezident Shavkat Mirziyoyev Toshkentdagi Talabalar shaharchasida barpo etilgan Innovatsion o‘quv va ishlab chiqarish texnoparkini borib ko‘rdi.

Foto: “Daryo” / Madina Nurman

Qayd etilishicha, unda uchta tizim — ta’lim, fan va ishlab chiqarish uyg‘unlashtirilgan. Bu yerda talabalar ilg‘or texnikalarni ko‘rib, ishlatib, “ko‘zi pishadi”. Chizmalardan tayyor mahsulot yasashgacha bo‘lgan jarayon bilan amalda tanishib, malakali mutaxassis bo‘lib yetishadi. Muxtasar aytganda, ushbu texnopark “g‘oyalar generatori” bo‘lib xizmat qiladi.

Davlat rahbari bu yerda yaratilgan sharoitlarni ko‘zdan kechirdi.

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Uch qavatli bino robototexnika, energetika, elektrotexnika va biotexnologiya bo‘yicha ilg‘or uskunalar bilan jihozlangan. Birinchi qavatda payvandlash, elektroeroziya, yog‘och va plastmassaga ishlov berish, startap xonalari va laboratoriyalar joylashgan. Yuqori qavatlardan o‘quv va kovorking xonalari, robototexnika, standartlashtirish, sport zallari, ma’muriyat, kutubxona, ofislar o‘rin olgan.

Prezident texnoparkda boshqaruv kompaniyasi tashkil qilib, mahsulotlarni sotishni yo‘lga qo‘yish muhimligini ta’kidladi.

“Besh yil oldin bunday markazlarga, laboratoriyalarga keladigan yoshlar kam edi. Borlarining ham daromadi yetishmasdi. Chunki ilmga pul yo‘q edi. Endi bu sharoitdan, uskunalardan foydalanib, yoshlarni bozorbop mahsulotlar tayyorlash va sotishga o‘rgatish kerak. Ular manfaat ko‘rsa, ruh paydo bo‘ladi, o‘zini shu sohaga bag‘ishlaydi”, — dedi Shavkat Mirziyoyev.

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Foto: “Daryo” / Madina Nurman

Texnika yo‘nalishidagi oliy o‘quv yurtlari talabalarini ko‘proq jalb etib, amaliy saboqlarini shu yerda o‘tish, o‘quv dasturlarini ilg‘or texnologiyalardan kelib chiqib takomillashtirish bo‘yicha ko‘rsatmalar berildi.

Innovatsion texnoparkda talabalarning amaliyot o‘tashi bepul, rezidentlar uchun soliq imtiyozlari joriy etilgan. Biologik tajribalar uchun issiqxona barpo etilgan.

Davlat rahbari biotexnologiya laboratoriyasida amalga oshirilgan loyihalar bilan tanishdi. Rezidentlar tomonidan ishlab chiqarilayotgan import o‘rnini bosuvchi mahsulotlarni targ‘ib qilish, ularni va yana shunday loyihalarni qo‘llab-quvvatlash muhimligi ta’kidlandi.

Foto: “Daryo” / Madina Nurman

Foto: “Daryo” / Madina Nurman

Prezident talabalar va yosh olimlar bilan suhbatlashdi. Shu yerda ommaviy axborot vositalari vakillari bilan ham muloqot bo‘ldi.