“Odil Junior” O‘zbekiston U-14 chempionati g‘olibiga aylandi

4—14-oktabr kunlari U-14 chempionati bo‘lib o‘tdi. Unda Superliga va Pro-Liga qoshidagi futbol akademiya va maktablari tarbiyalanuvchilari ishtirok etdi.

19 ta jamoa (“Aral” musobaqaga kelmagan) 5 ta guruhga bo‘lingan holda musobaqani boshladi. Shulardan “Xorazm”, “Paxtakor”, “Navbahor” va “Odil Junior” jamoalari yarim finalga qadar yetib keldi. Yarim finalda “Xorazm” “Paxtakor”ni penaltilar seriyasida mag‘lubiyatga uchratgan bo‘lsa (4:2), “Odil Junior” “Navbahor” darvozasiga javobsiz 3 ta gol urdi.

3-o‘rin uchun kechgan bahsda “Paxtakor” “Navbahor”ga qarshi o‘ynadi va 2:0 hisobida g‘alaba qozondi. Final uchrashuvida “Odil Junior” jamoasi “Xorazm” ga qarshi bahs olib bordi va 6:0 hisobida zafar quchdi.

Foto: PFL

Shu tariqa Odil Ahmedov tashkil etgan futbol maktabi tarbiyalanuvchilaridan iborat “Odil Junior” jamoasi chempionga aylandi. “Xorazm” ikkinchi o‘rinni, “Paxtakor” esa uchinchi o‘rinni egalladi.

Taqdirlash marosimidan fotolavhalar: