Shavkat Mirziyoyev Buxoroda o‘tayotgan “Zakovat” intellektual o‘yinining final bosqichiga tashrif buyurgani haqida xabar berilgandi. Final o‘yinidan so‘ng Prezident klub qatnashchilari bilan suhbatlashdi.
Davlat rahbari ma’lum qilishicha, “Zakovat” o‘yinlari yoshlar o‘rtasida ommaviy-ma’rifiy harakatga aylantiriladi.
Shuningdek, Shavkat Mirziyoyev harakatni moliyaviy qo‘llab-quvvatlash uchun har yili 50 milliard so‘m mablag‘ ajratish bo‘yicha taklif berdi.
“Men surishtirdim, shu paytgacha sizlarning o‘z binolaringiz ham yo‘q ekan. Shuning uchun Toshkentda ‘zakovatchilar’ uchun alohida bino barpo etsak, nima deysizlar?” — dedi Shavkat Mirziyoyev.
Shu bilan birga, yangi yildan boshlab talaba yoshlar o‘rtasida birinchi marta Prezident sovrini uchun Intellektual olimpiada tashkil etilishi ma’lum qilindi.
Bundan tashqari, shu yerning o‘zida Prezident farmoni o‘qib eshittirilib, klub asoschisi Abdurasul Abdullayevga “O‘zbekistonda xizmat ko‘rsatgan yoshlar murabbiyi” unvoni berildi.
Izoh (0)