Mirobod tumanidagi Toshkent “SUM” avtoshohbekati hamda Chimkent ko‘chasi kesishmasida transport vositalarining harakatlanishi vaqtincha cheklanadi. Bu haqda poytaxt hokimligi matbuot xizmati xabar berdi.
Bunga yo‘l ta’mirlash ishlari olib borilayotgani sabab qilib ko‘rsatilgan. Ma’lum qilinishicha, ushbu hududda avtomobillarning harakati 7-oktabr kuni soat 16:00 dan 1-noyabr kuni soat 20:00 ga qadar cheklanadi.
Poytaxt hokimligi haydovchilardan aylanma yo‘llardan foydalanishni maslahat berib, yuzaga kelgan noqulaylik uchun uzr so‘ragan.
Avvalroq Toshkent—Chirchiq—Hojikent tezyurar elektr poyezdlar harakatini tashkil etish maqsadida Parkent ko‘chasidan KHAYga o‘tish qismida qurilish-montaj ishlari olib borilayotgani sabab ushbu hududda avtotransport vositalarining harakati vaqtinchalik cheklangani to‘g‘risida xabar berilgandi.
Izoh (0)