Миробод туманидаги Тошкент «ЦУМ» автошоҳбекати ҳамда Чимкент кўчаси кесишмасида транспорт воситаларининг ҳаракатланиши вақтинча чекланади. Бу ҳақда пойтахт ҳокимлиги матбуот хизмати хабар берди.
Бунга йўл таъмирлаш ишлари олиб борилаётгани сабаб қилиб кўрсатилган. Маълум қилинишича, ушбу ҳудудда автомобилларнинг ҳаракати 7 октябрь куни соат 16:00 дан 1 ноябрь куни соат 20:00 га қадар чекланади.
Пойтахт ҳокимлиги ҳайдовчилардан айланма йўллардан фойдаланишни маслаҳат бериб, юзага келган ноқулайлик учун узр сўраган.
Аввалроқ Тошкент—Чирчиқ—Ҳожикент тезюрар электр поездлар ҳаракатини ташкил этиш мақсадида Паркент кўчасидан КҲАЙга ўтиш қисмида қурилиш-монтаж ишлари олиб борилаётгани сабаб ушбу ҳудудда автотранспорт воситаларининг ҳаракати вақтинчалик чеклангани тўғрисида хабар берилганди.
Изоҳ (0)