Bosh prokuratura ijtimoiy tarmoqlarda tarqalgan Namanganda prokuratura xodimi ayol kishiga kuch ishlatgani aytilayotgan videoga munosabat bildirdi.
Ijtimoiy tarmoqlarda bir erkakning ayol kishiga kuch ishlatib, uning yerga yiqilishiga sababchi bo‘lgani tasvirlangan video tarqaldi. Telegram’dagi “Muxbir Daliyev” kanali muallifining yozishicha, videodagi erkak Namangan prokuraturasi xodimi hisoblanadi.
Bosh prokuratura matbuot xizmati rahbari Hayot Shamsutdinov videoxabarda ko‘rsatilgan holat Bosh prokuratura tomonidan o‘rganib chiqilayotgani, natijasi bo‘yicha ma’lumot berilishini ma’lum qildi.
Avvalroq Andijonda uyida obodonlashtirish xodimlarini majburan ishlatgan prokuror ishdan olingani to‘g‘risida xabar berilgandi.
Izoh (0)