Таэквондо бўйича Ўзбекистон учун биринчи олтин медални қўлга киритган Улуғбек Рашидов иштирокида мамлакат вилоятларига турне ташкил этилди.
Таэквондо бўйича Ўзбекистон учун биринчи олтин медални қўлга киритган Улуғбек Рашидовнинг ғалабаси юртдошларимизнинг чексиз қувончига сабаб бўлди.
Олимпия ўйинларида эришилган юқори натижаларни Ўзбекистон Республикаси Президенти Шавкат Мирзиёев томонидан аҳоли, айниқса ёшларни жисмоний тарбия ва спортга жалб этиш, кенг жамоатчилик орасида соғлом турмуш тарзини оммалаштириш бўйича белгилаб берилган аниқ вазифаларнинг натижаси сифатида баҳолашимиз мумкин.
Ўзбекистонда турли спорт турлари билан шуғулланаётган ва ушбу йўналишда ўз ўрнини топишга интилаётган ёшлар сони йилдан йилга ошиб бормоқда. Уларнинг бу севимли машғулоти кўпинча профессионал спорт карьераси томон ҳал қилувчи қадам бўлмоқда. Натижада спорт турлари бўйича ёрқин юлдузларимиз сафи кенгайиб бормоқда.
Мамлакатда ушбу вазифаларни бажаришга қаратилган дастурларни амалга оширишда PepsiCo компаниясининг Ўзбекистондаги расмий боттлери — International Beverages Tashkent ҳам ўз ҳиссасини қўшиб келмоқда, профессионал футбол, хоккей, бокс, оғир атлетика ва бошқа спорт тадбирларини ташкиллаштириш ва ўтказишда фаол иштирок этмоқда.
Жорий йилнинг май ойида Ўзбекистон миллий олимпия қўмитаси ва International Beverages Tashkent компанияси ўртасида имзоланган ҳамкорлик меморандуми доирасида республика ҳудудларида оммавий спорт турларини қўллаб-қувватлаш, иқтидорли ва қобилиятли ёшларни спортга жалб қилиш бўйича бир қатор ишлар амалга оширилмоқда. Жумладан, белгиланган вазифаларни бажариш мақсадида мамлакатимизнинг энг ёрқин ва иқтидорли спортчилари билан ҳамкорлик йўлга қўйилмоқда.
Хусусан, таэквондо бўйича Ўзбекистон учун биринчи олтин медални қўлга киритган Улуғбек Рашидов билан мамлакатнинг 5 вилоятига турне ташкиллаштирилди.
Турне доирасида Олимпия чемпиони тхеквондо бўйича спорт мактабларига ташриф буюради. У ерда таълим олаётган болалар чемпион билан шахсан мулоқот қилиш, ўзларини қизиқтирган саволларни бериш ва спортчи ҳаёти билан яқиндан танишиш имконига эга бўлишди. Улуғбек Рашидов спортчи болаларга тхеквондо учун форма — добокларни ва бошқа совғаларини топширмоқда.
Улуғбек Рашидовнинг спортга қизиқиши болалигидан бошланган. Бунда Брюс Ли ва Ван Дамм иштирокидаги фильмларнинг аҳамияти катта. Бўлажак чемпион болалик давридан уларнинг усулларини такрорлашга ҳаракат қилар эди. Фарзандининг спортга бўлган қизиқишини пайқаган отаси Улуғбекни спорт тўгарагига беришга қарор қилган.
Ёш Улуғбек мураббий Павел Хан қўлида таҳсил олди ва устози уни Олимпия чемпионига айлантирди. «Таэквондодан воз кечиб, футболга боришни истаган пайтларим бўлган, чунки бошланғич паллада таэквондода сезиларли ютуқларга эришолмаганман. Лекин мураббий мени ҳар бир мағлубиятим сабоқ эканини айтиб, қўйиб юбормади, қўллаб-қувватлади, рағбатлантирди, шунинг учун мен шу йўналишда қолишга қарор қилдим ва бундан афсусланмадим», — дейди Улуғбек Рашидов.
Улуғбекнинг сезиларли ютуқлари 2017 йилда Қозоғистоннинг Атирау шаҳрида ўсмирлар ўртасидаги Осиё чемпионатида фахрли иккинчи ўринни эгаллашидан бошланди.
«2018 йилда ўсмирлар Олимпия ўйинларига йўлланма олиш мақсадида саралаш турнирига тайёргарлик кўра бошладик. Бу мусобақаларда мен биринчи ўринни қўлга киритдим ва ўсмирлар ўртасидаги Олимпия ўйинларида кумуш медал соҳиби бўлдим. Уч кундан сўнг ўсмирлар ўртасидаги жаҳон чемпионати бошланди ва унда 3-ўринни эгалладим. 2019 йилда эса ўсмирлар ўртасидаги сўнгги мусобақаларда мен Осиё чемпиони ва 2019 йилнинг энг яхши спортчиси бўлдим», — дея эслайди Улуғбек.
Жорий йилда ўтказилган Олимпиада ўйинлари бир умр Улуғбекнинг ёдида қолади. Бунга сабаб фақатгина ғалаба эмас, Улуғбек Олимпия ўйинлари тарихида илк бор таэквондо бўйича бешта жангда қатнашиши керак эди. Улуғбек Рашидов Токио—2020 ўйинларининг ҳар бир жангида шараф билан кураш олиб борди ва муносиб ғалабани қўлга киритди.
International Beverages Tashkent ҚК МЧЖ PepsiCo компаниясининг Ўзбекистондаги расмий боттлери
Реклама ҳуқуқи асосида.
Изоҳ (0)