23-sentabr kuni dunyo bo‘ylab olingan sara suratlarni namoyish etamiz.

Avstraliyadagi Pert hayvonot bog‘ining jirafasi Kitoto va uning bolasi ommaga ilk bor ko‘rinish berdi. Jirafa bolasi bu turning yo‘q bo‘lib ketishiga yo‘l qo‘ymaslik uchun mintaqaviy naslchilik dasturi doirasida tug‘ilgan. Hayvonot bog‘i jirafachaga nom berish uchun ommaviy tanlov o‘tkazmoqda.

Foto: Getty Images

Orenburg viloyatida Shanxay Hamkorlik Tashkilotiga a’zo davlatlar tinchlik missiyasi qurolli kuchlarining qo‘shma harbiy aksilterror qo‘mondonligi va shtab mashg‘ulotida harbiy kamuflyaj uskunalarini namoyish qilayotgan harbiy xizmatchilar.

Foto: EPA

Mavzuga doir: O‘zbekiston jamoasi “ArMI-2021” yakuni bo‘yicha umumjamoa hisobida 2-o‘rinni egalladi

Buyuk Britaniyaning Uorikshir grafligida qo‘ziqorinlar bilan oziqlanayotgan olmaxon.

Foto: Legion Media

Marlow Bird Park’da avstraliya lorilari qo‘lini cho‘qib olganiga reaksiya bildirayotgan Germaniya kansleri Angela Merkel.

Foto: DPA

Mavzuga doir: WSJ: Merkel Baydenning inauguratsiyasidan keyin u bilan telefonda suhbatlashishni rad etgan

Indoneziyaning Depok shahridagi kulolchilik va hunarmandchilik fabrikasida ish jarayoni.

Foto: EPA

Massachusets shtatida bolalar nikohini to‘xtatishga chaqirish uchun shtat hokimiyatiga yig‘ilgan kelin kiyimidagi faollar.

Foto: Getty Images

Mavzuga doir: O‘zbekistonda erta turmush qurish holatlari 2019-yilga nisbatan 97 foizga kamaydi

Xitoyning Sichuan provinsiyasi Volong milliy qo‘riqxonasida joylashgan Shenshuping pandalar naslchilik bazasida dam olayotgan panda bolalari.

Foto: Reuters

Texasdagi Rio-Grande daryosini kesib o‘tgan muhojirlar chegara patrul avtobusini tark etib, Valverde gumanitar koalitsiyasi qabuliga ketmoqda.

Foto: Getty Images

Daniyada 1971-yil 26-sentabrda harbiy hududda tashkil etilgan Fritaun Kristianiyaning 50 yilligiga bag‘ishlangan paradda qatnashayotgan odamlar.

Foto: AFP

Bavariyada quyosh chiqishi.

Foto: Getty Images

Urugvayning asosiy sayyohlik porti 18 oylik tanaffusdan keyin yana turistlarni kutib olish uchun ochildi.

Foto: EPA

Milanda moda haftaligi bo‘lib o‘tmoqda. Suratda: Joy Meribe kolleksiyasining namoyishi.

Foto: “TASS”

Parijdagi “G‘alaba arkasi” asli bolgar bo‘lgan amerikalik rassom Xristo Yavachev g‘oyasi asosida kulrang matoga o‘raldi.

Foto: Getty Images

Madriddagi Kolizey teatrida 81 yoshli xonanda Tina Tyorner haqidagi “Tina” musiqiy teatri press-namoyishi bo‘lib o‘tdi.

Foto: EPA

Mavzuga doir: O‘zbekistonda konsertlar, ommaviy tadbir va yig‘ilishlarni o‘tkazishga ruxsat berildi

Xanoy ma’muriyati koronavirus tarqalishiga qarshi kurashish uchun ikki oy oldin qo‘yilgan cheklovlarni yengillashtirdi.

Foto: EPA

Metzning Sen-Simforyen stadionidagi PSJ muxlislari.

Foto: EPA

Mavzuga doir: Dahshatli tarkibga ega “PSJ”, Ronaldu bilan sovringa umid qilayotgan “Yunayted” va himoya uchun “jang” qiladigan “Chelsi”. Chempionlar Ligasi boshlanmoqda

Mayamida Gaiti qochqinlarining chiqarib yuborilishiga qarshi norozilik namoyishi o‘tkazildi.

Foto: EPA

Panamada COVID-19 pandemiyasi doirasida cheklov choralariga qarshi norozilik namoyishlari o‘tkazildi.

Foto: EPA

Mavzuga doir: Rossiyada COVID-o‘limlar bo‘yicha rekord takrorlandi, Braziliya prezidenti yakkalanish rejimiga o‘tdi. Koronaxabarlar

Pokiston–Afg‘oniston chegarasidagi Chaman shahrining “Do‘stlik darvozasi” o‘tish punktida turgan yuk mashinasiga mahalliy bozorga yetkazib berish uchun Afg‘onistondan piyoz ortayotgan odamlar.

Foto: Reuters

Gaitidagi Port-o-Prens markazidagi ko‘chalarda patrullik qilayotgan politsiya yonida qo‘llarini ko‘tarib turgan odam. Shahar aholisi 21-sentabr kuni politsiya tomonidan odam o‘ldirilgandan so‘ng katta namoyishlar uyushtirmoqda.

Foto: AP Photo

Avvalgi kunlarning fotogalereyalar: