Ko‘pchilik futbol muxlislari 2002-yilgi Jahon Chempionatini “pentakampionlar”ning muvaffaqiyatli yurishi, Oliver Kanning fenomenal o‘yini, koreys va turklarning yarim finalga qadar yetib kelgani bilan eslaydi. Biroq Braziliya terma jamoasi hujumchisi Ronaldoning antiqa soch turmagi sharqiy Osiyoda o‘tgan mundialning tom ma’noda ramziga aylangandi.
Braziliyalik futbolchi keyinchalik ushbu soch turmagi haqida shunday degandi: “Bu dahshatli edi! Meni ko‘rib, sochini o‘shanday turmak qilgan barcha bolalarning onalaridan uzr so‘rayman”.
Hujumchi nega aynan shunaqa soch turmagini tanlaganini shunday izohlagan: “Musobaqa yarim finalidan oldin jarohat oldim va bu haqida Braziliya OAVga gapirishni istamadim. Shu sabab sochimni shunday oldirdim. Jamoadoshlarimdan yangi soch turmagim haqida so‘radim: ‘Sizlarga yoqyaptimi?’. Ular javob berdi: ‘Yo‘q, bu dahshat! Olib tashla’. Biroq jurnalistlar bu soch turmagini ko‘rgandan keyin, jarohatim haqida unutdi”.
Mundialdan so‘ng ko‘plab bolalar xuddi Ronaldoniki singari soch turmagi qildirishni xohlab qoldi. “2002-yilda men ham shunday soch turmagi qildirgandim, lekin o‘sha paytlardagi voqealarni aniq eslay olmayman”, — degandi Neymar.
2002-yilgi mundialda faqatgina bugun 45 yoshini nishonlayotgan Ronaldo antiqa soch turmagi bilan qatnashmagan. Yana bir necha futbolchi yangi asr boshidagi ilk Jahon Chempionatida noodatiy soch turmagi bilan ishtirok etgan. Ularning ayrimlarini keltirib o‘tiladi.
Devid Bekhem — eng yaxshi imij yarata olgan futbolchilardan biri. Ammo u ham ba’zan xato qilgan. 2001-yilda antiqa soch turmagini tanlagan.
Fredrik Yungbergning sochidan qonli chiziq o‘tgandek.
Kamerunlik Rigober Songning soch turmagi sartaroshxonalarda deyarli so‘ralmasdi. Chunki uniki singari uzun soch ko‘p yigitlarda bo‘lmagan.
Uzoqdan al-Hoji Diufning imijini soch turmagi deb ham atash qiyin, lekin Senegal o‘sha mundialda shunday yaxshi ishtirok etgandiki, buni deyarli hech kim e’tiborga olmagan.
Hujumchi Sibusiso Zuma JCh—2002 gol urolmagan bo‘lsa-da, JARning eng yorqin futbolchisiga aylangandi.
Kazuyuki Toda qandaydir animening qahramoniga o‘xshaydi. Buni hozir tushunyapmiz. Lekin o‘shanda Toda soch turmagi o‘rniga qizil toj taqib olganga o‘xshardi.
Junichi Inamoto nafaqat ismi, balki o‘ziga xos soch turmagi bilan ham ajralib turgan. Shu holatida futbolchi hozirda istalgan K-pop guruhga qabul qilinar edi.
JCh—2002 da yorqin o‘yin namoyish etgan yana bir yaponiyalik futbolchi — Naoki Matsuda. Va uning shaxsiy soch turmagi.
Umit Davala 2002-yilgi mundialda juda ajoyib o‘yin namoyish etgan: uning goli Yaponiyani pley-offdan chiqarib yuborgandi, Senegalga qarshi chorak final o‘yinida g‘alaba golini urgan. Lekin uning sochi qunduz terisini yodga solishi bilan ko‘proq yodda qolgan.
Germaniya terma jamoasi futbolchisi Kristian Sige antiqa soch turmagi bilan.
Amerikalik Klint Metisning o‘ziga xos ko‘rinishi.
Antiqa o‘rilgan soch Taribo Uestning butun faoliyati davomida o‘ziga xos uslubi bo‘lgan. Nigeriyalik himoyachining yuziga qarab, bu soch turmagi unga yarashmaydi deb bo‘lmaydi.
Efetobore Sojeni doim “bandana”da ko‘rish mumkin edi, lekin JCh—2002 da u noodatiy soqol ham qo‘yib olgandi. Tasavvur qiling, Nigeriyaga qarshi o‘ynayapsiz — hujumga borganingizda avvaliga o‘rilgan sochli Uest, keyin esa Soje mana shu ko‘rinishda yoningizdan chiqdi.
Soch turmaklari haqida gapirganda Devid Simenni chetlab o‘tib bo‘lmaydi. Barcha angliyalik posbonni mana shu ko‘rinishdagi soch turmagi bilan eslab qolgan.
Turkiya terma jamoasi posboni Rushtu Rechberni ham ro‘yxatga qo‘shsa bo‘ladi. O‘sha yillarda darvozabonlar sochini o‘stirib yurishi oddiy holdek ko‘rinardi.
Senegal terma jamoasi bosh murabbiyi Bryuno Metsyu yoyilgan sochlarni afzal ko‘rgan.
Izoh (0)