Кўпчилик футбол мухлислари 2002 йилги Жаҳон Чемпионатини «пентакампионлар»нинг муваффақиятли юриши, Оливер Каннинг феноменал ўйини, корейс ва туркларнинг ярим финалга қадар етиб келгани билан эслайди. Бироқ Бразилия терма жамоаси ҳужумчиси Роналдонинг антиқа соч турмаги шарқий Осиёда ўтган мундиалнинг том маънода рамзига айланганди.
Бразилиялик футболчи кейинчалик ушбу соч турмаги ҳақида шундай деганди: «Бу даҳшатли эди! Мени кўриб, сочини ўшандай турмак қилган барча болаларнинг оналаридан узр сўрайман».
Ҳужумчи нега айнан шунақа соч турмагини танлаганини шундай изоҳлаган: «Мусобақа ярим финалидан олдин жароҳат олдим ва бу ҳақида Бразилия ОАВга гапиришни истамадим. Шу сабаб сочимни шундай олдирдим. Жамоадошларимдан янги соч турмагим ҳақида сўрадим: ‘Сизларга ёқяптими?’. Улар жавоб берди: ‘Йўқ, бу даҳшат! Олиб ташла’. Бироқ журналистлар бу соч турмагини кўргандан кейин, жароҳатим ҳақида унутди».
Мундиалдан сўнг кўплаб болалар худди Роналдоники сингари соч турмаги қилдиришни хоҳлаб қолди. «2002 йилда мен ҳам шундай соч турмаги қилдиргандим, лекин ўша пайтлардаги воқеаларни аниқ эслай олмайман», — деганди Неймар.
2002 йилги мундиалда фақатгина бугун 45 ёшини нишонлаётган Роналдо антиқа соч турмаги билан қатнашмаган. Яна бир неча футболчи янги аср бошидаги илк Жаҳон Чемпионатида ноодатий соч турмаги билан иштирок этган. Уларнинг айримларини келтириб ўтилади.
Дэвид Бекҳэм — энг яхши имиж ярата олган футболчилардан бири. Аммо у ҳам баъзан хато қилган. 2001 йилда антиқа соч турмагини танлаган.
Фредрик Юнгбергнинг сочидан қонли чизиқ ўтгандек.
Камерунлик Ригобер Сонгнинг соч турмаги сартарошхоналарда деярли сўралмасди. Чунки уники сингари узун соч кўп йигитларда бўлмаган.
Узоқдан ал-Ҳожи Диуфнинг имижини соч турмаги деб ҳам аташ қийин, лекин Сенегал ўша мундиалда шундай яхши иштирок этгандики, буни деярли ҳеч ким эътиборга олмаган.
Ҳужумчи Сибусисо Зума ЖЧ—2002 гол уролмаган бўлса-да, ЖАРнинг энг ёрқин футболчисига айланганди.
Казуюки Тода қандайдир анименинг қаҳрамонига ўхшайди. Буни ҳозир тушуняпмиз. Лекин ўшанда Тода соч турмаги ўрнига қизил тож тақиб олганга ўхшарди.
Жуничи Инамото нафақат исми, балки ўзига хос соч турмаги билан ҳам ажралиб турган. Шу ҳолатида футболчи ҳозирда исталган K-pop гуруҳга қабул қилинар эди.
ЖЧ—2002 да ёрқин ўйин намойиш этган яна бир япониялик футболчи — Наоки Матсуда. Ва унинг шахсий соч турмаги.
Умит Давала 2002 йилги мундиалда жуда ажойиб ўйин намойиш этган: унинг голи Японияни плей-оффдан чиқариб юборганди, Сенегалга қарши чорак финал ўйинида ғалаба голини урган. Лекин унинг сочи қундуз терисини ёдга солиши билан кўпроқ ёдда қолган.
Германия терма жамоаси футболчиси Кристиан Циге антиқа соч турмаги билан.
Америкалик Клинт Метиснинг ўзига хос кўриниши.
Антиқа ўрилган соч Тарибо Уэстнинг бутун фаолияти давомида ўзига хос услуби бўлган. Нигериялик ҳимоячининг юзига қараб, бу соч турмаги унга ярашмайди деб бўлмайди.
Эфетоборе Сожени доим «бандана»да кўриш мумкин эди, лекин ЖЧ—2002 да у ноодатий соқол ҳам қўйиб олганди. Тасаввур қилинг, Нигерияга қарши ўйнаяпсиз — ҳужумга борганингизда аввалига ўрилган сочли Уэст, кейин эса Соже мана шу кўринишда ёнингиздан чиқди.
Соч турмаклари ҳақида гапирганда Дэвид Сименни четлаб ўтиб бўлмайди. Барча англиялик посбонни мана шу кўринишдаги соч турмаги билан эслаб қолган.
Туркия терма жамоаси посбони Рушту Речберни ҳам рўйхатга қўшса бўлади. Ўша йилларда дарвозабонлар сочини ўстириб юриши оддий ҳолдек кўринарди.
Сенегал терма жамоаси бош мураббийи Брюно Мецю ёйилган сочларни афзал кўрган.
Изоҳ (0)