Rozmetov korxonasining mahsulotlari barchamizga o‘zining o‘zgarmas sifati, ajoyib ta’mi va keng ko‘lamli tanlov imkoniyati bilan yaxshi tanish. Mana o‘ttiz yildirki, kompaniya O‘zbekiston bozorida muvaffaqiyatli faoliyat yuritib kelmoqda.
Rozmetov kompaniyasi xilma-xil kolbasa va sosiska mahsulotlari, tansiq go‘sht mahsulotlarini taklif qilib, katta-yu kichik yurtdoshlarimizning mehrini qozona oldi. Kompaniyaning asosiy tamoyili — mahsulotni xuddi o‘zimiz uchun tayyorlaganday ishlab chiqarishdan iborat.
Alohida ta’kidlash joizki, Rozmetov korxonasida faqat mol, ot, qo‘y va parranda go‘shtidan xomashyo sifatida foydalaniladi, ya’ni barcha mahsulotlar, shu jumladan, ziravor va qo‘shimchalar halol. Bu esa muvofiq “Halol” sertifikati bilan tasdiqlangan. Mahsulotlarning sifatli, mazali va xavfsiz bo‘lishi korxona uchun ustuvor vazifa. Buning tasdig‘i sifatida u birinchilardan bo‘lib, ISO 22000:2005 oziq-ovqat xavfsizligini boshqarish tizimi xalqaro standartiga muvofiqlik sertifikatiga ega bo‘lgan.
Yana bir jihat — mahsulotlarni dudlashda suyuq tutundan foydalanilmaydi. Dudlash uchun Germaniyadan keltirilgan eman daraxti qipig‘i qo‘llaniladi.
Yana bir muhim fakt, Rozmetov kompaniyasida mahsulot qayta ishlanmaydi, ya’ni sotilmay qolgan mahsulotlar qaytib olinib, ishlab chiqarish jarayoniga qaytarilmaydi.
Kompaniya rahbariyati, ishchi mutaxassislari bir g‘oya atrofida birlashib, bir butun, ahil va inoq oila sifatida ishlab chiqarish jarayoniga kirishgan. Aynan shu jihat Rozmetov mahsulotlarining 1989-yildan shu kunga qadar sevimli, talabgir va xaridorgirligini ta’minlab kelmoqda.
Reklama huquqi asosida.
Izoh (0)