Joriy yilning iyul—avgust oylarida koronavirus bilan kasallanganlar soni keskin ortdi. Kombinat miqyosida, bir kunda ushbu kasallik bilan zararlanganlar soni 240 nafarga yetdi. Bundan tashqari, zararlanganlar bilan aloqaga kirishgan bemorlar soni ham 200 nafarni tashkil etdi.
Shu sababdan kombinat rahbariyatining tashabbusi bilan uyda davolanayotgan bemorlarni qarovsiz qoldirmaslik, ularning salomatligini mustahkamlash va muntazam nazoratda olib borish maqsadida, shifokorlardan tashkil topgan 2 ta mobil brigada tashkil qilindi.
Nafaqat shahrimiz, balki Bekobod tumanida istiqomat qiluvchi kombinat ishchi xodimlarining uylariga borib nazorat qilindi. Ularning ahvoliga baho berilib, shifokor tomonidan berilgan ko‘rsatmalar nazorat qilinib, ijrosi ta’minlab borildi.
Birgina avgust oyining o‘zida 900 marotaba chaqiruvga chiqildi va mazkur kasallik bilan zararlangan bemorlarga tibbiy yordam ko‘rsatildi. Bemorlarga ushbu xizmatlar ma’qul kelib, ular mobil brigada shifokorlariga o‘z minnatdorchiligini bildirishdi.
Hozirgi paytda bu ish davom ettirilmoqda. Mobil brigadalarning sa’y-harakatlari va vaksinalash ishlarining jadal sur’atlarda olib borilgani samarasi o‘laroq, kombinat ishchi xodimlari orasida mazkur kasallik bilan zararlanganlar soni keskin kamayib bormoqda. Ayni kunlarda kombinat sog‘lomlashtirish punktlarida yakuniy, 3-bosqich vaksinalash ishlari olib borilmoqda.
Reklama huquqi asosida.
Izoh (0)