Shavkat Mirziyoyev 21-sentabr kuni BMT Bosh assambleyasining 76-sessiyasi ochilishida videoaloqa orqali ishtirok etadi. Bu haqda Prezident matbuot kotibi Sherzod Asadov ma’lum qildi.
Uning qayd etishicha, davlat rahbari sessiyaning birinchi kunidayoq yuqori darajadagi umumsiyosiy munozaralarda nutq so‘zlaydi.
20-sentabr kuni esa Prezident qator obyektlar qurilishiga bag‘ishlangan taqdimot bilan tanishadi. Yangi onkologiya markazi, Milliy kutubxona va “Yangi O‘zbekiston” universiteti binolari loyihalari shular jumlasidan.
Eslatib o‘tamiz, BMT Bosh assambleyasining 2020-yildagi 75-sessiyasi ham onlayn formatda o‘tkazilgandi. Unda Shavkat Mirziyoyev o‘zbek tilida nutq so‘zlagandi.
Izoh (0)