Yevropa mintaqasida JCh—2022 saralashi 6-turi doirasidagi bir qator uchrashuvlar 8-sentabr, chorshanba kuni bo‘lib o‘tdi.
Angliya safarda Polsha bilan bahs yuritdi va uchrashuvga qo‘shib berilgan daqiqalarda g‘alabani qo‘ldan chiqardi. Harri Keynning 72-daqiqada urgan goliga Damyan Shimanski 90+2-daqiqada javob qaytarib, muvozanatning tiklanishiga sabab bo‘ldi.
Germaniya mehmonda Islandiya darvozasiga javobsiz 4 ta to‘p kiritdi. Nemis jamoasining gollariga Serj Gnabri, Antonio Ryudiger, Leroy Sane va Timo Verner mualliflik qildi.
Ispaniya Pablo Fornals va Ferran Torresning gollariga evaziga Kosovadan ustun keldi.
Italiya esa o‘z maydonida Litva ustidan 5:0 hisobidagi g‘alabani tantana qildi. Italyanlar safida Moyze Kin dublga erishgan bo‘lsa, Jakomo Raspadori va Jovanni di Lorenso bittadan golga mualliflik qildi, yana bir vaziyatda litvaliklar yarim himoyachisi Edgaras Utkus o‘z darvozasini ishg‘ol etib qo‘ydi.
JCh—2022 saralashi
6-tur bahslari
8-sentabr, chorshanba
Polsha – Angliya 1:1
Gollar: 0:1 – 72 Keyn, 1:1 – 90 Shimanski.Polsha: Shchensni, Glik (Gelik, 80), Puxach (Ribus, 80), Davidovich, Bednarek, Krixovyak (Shimanski, 68), Yuzvyak (Frankovski, 80), Linetti, Moder, Buksa (Shviderski, 63), Levandovski.
Angliya: Pikford, Stounz, Uoker, Maguayr, Shou, Grilish, Fillips, Rays, Maunt, Sterling, Keyn.
Ogohlantirishlar: Fillips (7), Glik (45), Maguayr (45), Krixovyak (60), Puxach (77), Linetti (79), Shimanski (90).
Italiya – Litva 5:0
Gollar: 1:0 – 11 Kin, 2:0 – 14, avtogol Utkus, 3:0 – 24 Raspadori, 4:0 – 29 Kin, 5:0 – 54 Di Lorenso.Italiya: Donnarumma (Sirigu, 46), di Lorenso, Acherbi, Biragi (Kalabriya, 46), Bastoni, Pessina, Kristante, Jorjinyo (Kastrovilli, 61), Bernardeski (Skamakka, 62), Raspadori, Kin (Berardi, 73).
Litva: Shetkus, Lasiskas, Slaviskas (Barauskas, 46), Klimavichyus (Tutishkin, 83), Verbiskas, Utkus (Shatkus, 46), Slivka, Dapkus (Megelaytis, 46), Kazlauskas, Dubiskas (Uzela, 73), Novikovas.
Ogohlantirish: Klimavichyus (71).
Izoh (0)