ATB “Kapitalbank” kichik biznesni rivojlantirish uchun moliyalashtirish liniyasini jalb qilish to‘g‘risida, xususiy sektorni rivojlantirish bo‘yicha Islom korporatsiyasi (XSRIK) bilan shartnoma tuzdi.
4-sentabr kuni Islom taraqqiyot banki (ITB)ga a’zo davlatlar kengashining yillik yig‘ilishi doirasida “Kapitalbank”va XSRIK o‘rtasida umumiy qiymati 10 million AQSh dollari bo‘lgan shartnoma imzolandi. XSRIK tomonidan Murabaha prinsipi bo‘yicha ajratilgan mablag‘ O‘zbekistonda kichik biznesini rivojlantirishga yo‘naltiriladi. Islom iqtisodiyotining mohiyati birinchi navbatda, foiz va fyuchers bitimlarini rad etishdan iboratdir. Shu munosabat bilan bank ishida, shariat tamoyillariga asoslangan moliyaviy faoliyatni nazarda tutgan, “islom banki” tushunchasi rivojlangan.
“Islom bank mahsulotlarining jahon bozori har yili barqaror o‘sishni ko‘rsatmoqda. Mamlakatimizda ham bunday mahsulotlarga qiziqish ortib bormoqda. Biz, o‘z navbatida, global tendensiyalarga va mijozlarimiz talabiga e’tibor qaratamiz. Bu sohaning rivojlanishi biz uchun strategik ahamiyatga ega va shunga muvofiq, bu “Kapitalbank”ning 2021—2023-yillarga mo‘ljallangan rivojlanish strategiyasida o‘z aksini topgan. Murabaha tamoyili bo‘yicha ushbu yo‘nalishning jalb qilinishi, bankning an’anaviy bank xizmatlaridan foydalanmaydigan, hozirgi va potensial mijozlariga biznesni rivojlantirish uchun mablag‘ to‘plash imkonini beradi”, — dedi “Kapitalbank” boshqaruv raisi Alisher Mirzayev.
Ta’kidlash joizki, “Kapitalbank” va XSRIK o‘rtasidagi hamkorlik 2019-yilda bankda axborot texnologiyalari, marketing va kommunikatsiyalar, yuridik va kadrlar masalalari bo‘yicha islomiy bank tamoyillariga asoslangan kompleks yechimlarni taqdim etishni o‘z ichiga olgan, islomiy oyna yaratish uchun texnik konsalting xizmatlarini ko‘rsatish to‘g‘risida shartnoma imzolanishi bilan boshlangan.
ITB kengashining 46-yillik yig‘ilishi Toshkentda 2021-yil 31-avgustdan 4-sentabrgacha bo‘lib o‘tdi. Toshkent xalqaro kongress markazida ITBga a’zo davlatlar kelgusida rivojlanish bilan bog‘liq keng ko‘lamli masalalarni muhokama qilishdi. Yillik yig‘ilishda ITBga a’zo mamlakatlarning 57 ta gubernatori, hukumat a’zolari va moliya, iqtisodga mas’ul vazirlar, shuningdek, banklar, xalqaro tashkilotlar, biznes sektor va ommaviy axborot vositalari vakillari ishtirok etdi.
Facebook: https://www.facebook.com/kapitalbank.uz/
Instagram: https://www.instagram.com/kapitalbank.uz/
Telegram: https://t.me/kapital24
Sayt: kapitalbank.uz
Reklama huquqi asosida.
Izoh (0)