Shu kunlarda Toshkent shahrida Islom taraqqiyot banki Boshqaruv kengashining 46 yillik anjumani bo‘lib o‘tmoqda.
ITB bilan hamkorlikda mamlakatimizda tadbirkorlikni qo‘llab-quvvatlash va aholi bandligini oshirishda amalga oshirilayotgan ishlar alohida ahamiyatga ega. Mamlakatning ijtimoiy-iqtisodiy rivojlanishi bilan bog‘liq 100 dan ortiq loyihalarni amalga oshirishda xayrixohlik bildirayotganini ta’kidlash zarur.
Guruhning O‘zbekiston bank sektori bilan hamkorligi natijasida, tadbirkorlar o‘rtasida islomiy moliyalashtirish mahsulotlari keng tarqalmoqda.
“Agrobank” ATB ham ICD (Islamic Corporation for Development) va ITFC (Islamic Trade Finance Corporation) bilan faol hamkorlikni olib bormoqda. Hamkorlik davrida “Agrobank” islomiy bankchilikning tamoyillariga asoslangan, 50 ga yaqin loyihalarni moliyalashtirdi va ushbu moliyalashtirishga bo‘lgan talab o‘sishda davom etmoqda.
Joriy yilning 1-sentabr kuni ITFC savdoni moliyalashtirish va rivojlantirish istiqbollariga bag‘ishlangan yig‘ilishida “Agrobank” faoliyati yuqori baholanib, kichik va o‘rta biznes loyihalarini moliyalashda eng faol bank sifatida e’tirof etildi.
“Agrobank” ushbu nufuzli e’tirofni yuksak baholaydi hamda ITFC ko‘magida tadbirkorlik subyektlari loyihalarini moliyalashtirishni kengaytirishda davom etadi.
Telegram: AgrobankPress
Bank matbuot xizmati
Reklama huquqi asosida.
Izoh (0)