Шу кунларда Тошкент шаҳрида Ислом тараққиёт банки Бошқарув кенгашининг 46 йиллик анжумани бўлиб ўтмоқда.
ИТБ билан ҳамкорликда мамлакатимизда тадбиркорликни қўллаб-қувватлаш ва аҳоли бандлигини оширишда амалга оширилаётган ишлар алоҳида аҳамиятга эга. Мамлакатнинг ижтимоий-иқтисодий ривожланиши билан боғлиқ 100 дан ортиқ лойиҳаларни амалга оширишда хайрихоҳлик билдираётганини таъкидлаш зарур.
Гуруҳнинг Ўзбекистон банк сектори билан ҳамкорлиги натижасида, тадбиркорлар ўртасида исломий молиялаштириш маҳсулотлари кенг тарқалмоқда.
«Агробанк» АТБ ҳам ICD (Islamic Corporation for Development) ва ITFC (Islamic Trade Finance Corporation) билан фаол ҳамкорликни олиб бормоқда. Ҳамкорлик даврида «Агробанк» исломий банкчиликнинг тамойилларига асосланган, 50 га яқин лойиҳаларни молиялаштирди ва ушбу молиялаштиришга бўлган талаб ўсишда давом этмоқда.
Жорий йилнинг 1 сентябрь куни ITFC савдони молиялаштириш ва ривожлантириш истиқболларига бағишланган йиғилишида «Агробанк» фаолияти юқори баҳоланиб, кичик ва ўрта бизнес лойиҳаларини молиялашда энг фаол банк сифатида эътироф этилди.
«Агробанк» ушбу нуфузли эътирофни юксак баҳолайди ҳамда ITFC кўмагида тадбиркорлик субъектлари лойиҳаларини молиялаштиришни кенгайтиришда давом этади.
Telegram: AgrobankPress
Банк матбуот хизмати
Реклама ҳуқуқи асосида.
Изоҳ (0)