Ijtimoiy tarmoqlarda “Yoshlar” telekanalining “Tez top” ko‘rsatuvi boshlovchisi Zahro Qilicheva to‘g‘ridan to‘g‘ri efir vaqtida boshi aylanib, yiqilib tushgani tasvirlangan video tarqalgandi. Telekanal ma’muriyati holat yuzasidan izoh berdi.
Unda aytilishicha, haqiqatan ham, jonli efir paytida boshlovchi o‘zini yomon his qilgan. Natijada ijodiy guruh translyatsiyani to‘xtatishga majbur bo‘lgan. Zahro Qilichevaga esa zudlik bilan tibbiy yordam ko‘rsatilgan. Uning tobi qochishiga umumiy holsizlik va bosh aylanishi sabab bo‘lgan. Lekin u buni sezdirmaslikka va oxirgi soniyagacha kasbiy burchini bajarishga uringan.
“Ayni paytda telekanal boshlovchisining ahvoli qoniqarli va uning sog‘lig‘i uchun jiddiy xavf yo‘q. Xavotir olib izoh qoldirgan ijtimoiy tarmoq foydalanuvchilariga telekanal nomidan minnatdorlik bildiramiz”, — deyiladi izohda.
Izoh (0)