Ijtimoiy tarmoqlarda birinchi avlod Range Rover Evoque avtomobili “avtomoyka”ni jiddiy shikastlar bilan tark etgani tasvirlangan video tarqaldi. Mashinani yuvish jarayonida yo‘ltanlamas egasi tasodifan yukxonani ochib yuborgan va avtomobilni odatdagi tozalash ishlari o‘rniga buzilgan beshinchi eshik va ko‘pikli suvga to‘lgan salonga ega bo‘lgan, deb xabar beradi Motor.
Kadrlardan ko‘rish mumkinki, avtomobilli platforma “moyka”ga kirib kelib, suv va ko‘pikli aralashmaga qoplangan. Biroq cho‘tkalar aylanishni boshlashidan oldin salondan turib tugma bosilgan va Evoque’ning orqa eshigi kutilmaganda ochilib ketgan.
Ochiq yukxona orqali salonga suv kira boshlagan, ammo muammo shu bilan yakunlanmagan: aylanayotgan cho‘tka bamperga tushgan, shundan so‘ng tepaga ko‘tarilgan. Qaysidir onda u ochilgan eshik darajasiga yetib to‘xtab qolgan, ammo keyin ko‘tarilishni davom etib, yukxona eshigini buklab yuborgan.
Sodir bo‘lgan voqea xizmat ko‘rsatish servisining kuzatuv kamerasiga muhrlangan, biroq shu bilan birga xodimlarning hech biri buni payqamagan va jarayonni to‘xtatmagan. Mazkur ko‘ngilsiz hodisa qayerda sodir bo‘lgani noma’lum, ammo Evoque’dagi avtomobil raqamlari Yevropaga tegishli.
Avvalroq noyob Ferrari haydovchisi boshqaruvni yo‘qotgani sabab superkar temir uyumiga aylangani to‘g‘risida xabar berilgandi.
Izoh (0)