Qashqadaryo viloyatining Qarshi shahrida piyodalar yo‘lakchasidan o‘tayotgan ayol va uning bolalar aravachasidagi farzandini mashina urib yubordi. Bu haqda “Daryo”ga Qarshi shahar yo‘l harakati xavfsizligi bo‘limi inspektori Ahror Usmonov xabar berdi.
Ahror Usmonovning ma’lumot berishicha, voqea 2021-yilning 10-avgust kuni soat kechki 21:10 da shaharning Mustaqillik ko‘chasida sodir bo‘lgan.“Qarshi shahridagi Davlat xizmatlari markazi ro‘parasida haydovchi Firdavs Ergashev boshqaruvidagi Nexia’da yo‘lning piyodalar o‘tish joyidan kesib o‘tayotgan ayol va uning bolalar aravachasidagi hali bir yoshga ham yetmagan farzandini urib yuborgan. Natijada bola og‘ir tan jarohati olib, shahar shifoxonasiga yotqizilgan. Chaqaloq ko‘rsatilgan tibbiy yordamga qaramasdan, shifoxonada vafot etgan”, — deydi Ahror Usmonov.
Eslatib o‘tamiz, avvalroq Dehqonobodda Nexia-3 haydovchisi 10 yoshli bolani urib ketgani, bola shifoxonada vafot etgani Buxoroda sodir bo‘lgan YTHda 14 yoshli maktab o‘quvchisi, Samarqandda esa Damas yo‘l chetidagi 9 yoshli bolani urib yuborishi oqibatida jabrlanuvchi shifoxonada vafot etgani xabar berilgandi.
Mavzuga doir:
- Qoraqalpog‘istonda yuz bergan YTH oqibatida 1-sinf o‘quvchisi vafot etdi
- Farg‘onada boshqaruvni yo‘qotgan Nexia simyog‘ochga urildi. Hodisa oqibatida 15 yoshli bola halok bo‘ldi
- Chiroqchida Nexia va Howo yuk mashinasi ishtirokida sodir bo‘lgan YTH oqibatida 3 kishi halok bo‘ldi. Ular orasida 1 yoshli bola ham bor
Izoh (0)