Super yulduz Rajesh Kxanna va Dimpl Kapadiya qizlarining muvaffaqiyatsiz karyerasi (foto)

Yuqori cho‘qqilarni zabt etgan Bollivud yulduzlari — Rajesh Kxanna va Dimpl Kapadiyaning qizlari bo‘lish o‘z-o‘zidan qiyin vazifa. Juftlikning ikki qizi bor– Tvinkl va Rinke Kxanna sifatida tanilgan Vrinkl.

Juftlikning ikki qizi ham aktrisa bo‘lishga qaror qildi va 22 yoshida debyut qilishga muvaffaq bo‘ldi. Boshlanishiga bu juda yaxshi edi, ikkisi ham debyut roli uchun taqdirlandi. So‘ngra turmush qurgach, ular Bollivudni tark etdi.

Tvinkl Kxanna

Tvinkl Kxanna otasi 32 yoshga to‘lgan kunida – 1973-yil 29-dekabrda tug‘ilgan. Aktrisaning tug‘ilgan kunini dadasi bilan birgalikda nishonlash baxtiga muyassar bo‘lgani va bu kunga bog‘liq bolalik xotiralari bisyor.

U Bollivuddagi debyutini 1995-yilda “Yomg‘irlar mavsumi” filmi bilan boshlagan, kartinada aktrisa yana bir debyutant Bobi Deol bilan rol ijro etgan. Tvinkl ham, Bobbi ham eng yaxshi debyuti uchun Filmfare mukofotiga sazovor bo‘lgan.

Tvinkle, aslida, aktrisa bo‘lishni xohlamagan va maktabdan keyin hisobchi bo‘lishga qaror qilgan. Lekin ota-onasi uning filmlarda rol o‘ynashini xohlagan.

“Men o‘rta maktabni tugatganimda hisobchi bo‘lishni xohlardim. Ammo ota-onam meni ularning izidan borishimni orzu qilardi va men buni uddaladim. Sakkiz yil o‘tgach, aktrisa sifatida muvaffaqiyatsizlikka uchradim, degan xulosaga keldim”, – tan oladi Tvinkl. U Bollivudning deyarli barcha super yulduzlari bilan ishlagan.

Karan Joharning “Hayotda hamma narsa bo‘ladi” filmidagi mashhur Tina roliga dastlab Tvinkl taklif qilingan. Karan ssenariyni faqat u haqida o‘ylab yozgan, chunki unga oshiq bo‘lgan. Biroq Tvinkl rolni rad etgan va bu rol Rani Mukerjiga nasib etgan.

2001-yilda Amir Xon bilan ishtirok etgan filmi muvaffaqiyatsiz tugagach, Tvinkl aktyor Akshay Kumarga turmushga chiqdi va kino sohasini butunlay tark etdi.

Akshay 2014-yilda “Karan Johar qahvaxonasi” ko‘rsatuvida u haqida shunday dedi: “U bu filmga juda ishongan va agar film muvaffaqiyatsizlikka uchrasa, u menga turmushga chiqishini aytgan. Yaxshiyamki, film muvaffaqiyatsiz tugadi va biz turmush qurdik”. Juftlikning ikkita farzandi bor – o‘g‘li Aarav va qizi Nitara. Tvinkl hozir Mumbaydagi White Window deb nomlangan interyer dizayn do‘konining egasi. Shuningdek, u taniqli yozuvchi va bir nechta kitoblar yozgan.

Garchi uning Bollivuddagi karyerasi o‘ziga xos bo‘lmasa-da, Tvinkl singlisi Rinkega qaraganda ancha mashhur.

Rinke Kxanna

Rinke 1977-yil 27-iyulda tug‘ilgan va o‘z faoliyatini 1999-yilda “Sevgida shunday bo‘ladi” melodramasi bilan boshlagan. Film har xil baholarga sazovor bo‘ldi, lekin yosh va go‘zal Rinke “Yilning eng yaxshi debyutanti” mukofotiga sazovor bo‘ldi. Undan so‘ng aktrisa yana bir necha filmlarda rol ijro etishga muvaffaq bo‘lgan.

U kino sanoatida atigi to‘rt yil ishlagan va 9 ta filmda rol o‘ynagan. 2003-yilda “Tungi vahiylar” filmi (Chameli, 2004) uning oxirgi ishi bo‘ldi, shundan so‘ng Rinke bu soha bilan xayrlashdi.

2003-yilda Rinke tadbirkor Samir Saran bilan turmush qurdi va u bilan Londonga ko‘chib o‘tdi. 2004-yilda u Naomika ismli qizini va bir necha yildan o‘g‘lini dunyoga keltirdi.

Dimpl va Rajeshning qizlarini mashhur aktrisalarga aylantirish uchun qilgan barcha urinishlari muvaffaqiyatsiz tugadi.